Males de cabeza - Vieiros

Bartolo, o tolo
Este que vedes aquí é Ba rtolo, o tolo. Estou hoxe convosco porque
a el (a min) lle foi encomendada a tarefa de re p resentar o papel
de tolo neste fermoso teatro, improvisado no palco da festa.
Este que vedes aquí (eu) ten o deber de dar obrigado cumprimento
ás vosas encomendas, esforzándose en aparecer diante de
todos vós, veciños e veciñas, como un tolo digno das vosas expectativas,
capaz de gañar o cariño do público. Pero antes de nada,
Bartolo (este que vedes aquí) quere agradecerlle á Comisión de
Festas a confianza que depositou na súa persoa para escenificar
o papel de tolo neste inesquecible acto das festas da patroa.
Antes de comez a r, sen embargo, e aproveitando a oport unidade
única que hoxe se me brinda, quixera dicirvos algo imp
o rtante no que hai tempo que me gustaría que matinasedes.
A este que vedes aquí (a min) non lle foi asignado o seu papel ó
chou nin foi elixido pola súa demostrada valía como actor; a el
(a min) encomendáronlle o seu papel de tolo por selección
natural, por consenso social e por convencemento popular desde
o maldito día en que naceu. Este que vedes aquí, sabédelo
ben, son eu, Bartolo, o tolo, entre todos e para todos vós.
— 61 —