Steizyt

Marco: Fingsch?
Angela: I luegen o Fernseh. Chuum e Sändig han i usglah. Das
han i no nie erläbt: E Maa, wo mi nüt an ihm stört.
Marco: I bin e eifache Püezer u du hesch Abitur.
Angela: Hör uuf! Du hesch doch alls, won es bruucht.
Marco: Ussert Bildig.
Angela: Du hesch viellicht kei Bildig, aber du hesch Erfahrig...
Marco: Vor allem schlächti.
Angela: ...u weckisch Vertroue.
Marco: Tönt fasch wien e Liebeserklärig.
Angela: Macht nüt.
(Sie umarmen sich.)
Marco: Eifach verruckt.
Angela: U schön. Wo mer der Beat het gseit, wär mi Partner
sig, het's mer fasch eine gäh.
Angela: (verteilt die Briefe auf dem Bett.) U itz nimmsch der
eini um die angeri vor.
Marco: Natürlech. Die Dame wärde grettet.
Angela: Ei Fan längt der nid?
Marco: Chunnt druuf a.
Angela: Das gniessisch, dä Rummel, bis ehrlech.
Marco: Scho nümme so. Öppis anders han i gnosse. Ds Läbe
wie früecher. Du, das wär's. Weisch, i däne vierzäh Tag
han i gmerkt, wie's chönnti sy. Vorusse, Hitz u Chelti
gspüre, merke, wie's ynachtet, gseh, wie d Sunne
chunnt. Alles bruuche, was hesch: Der Chopf, d Händ,
eifach alls. So wär's guet. Bevor mer Füür hei gha, hei
mer ir Nacht gfroore wie d Affe, u de...
Angela: ...heit er enand warm gäh. Du der Grafikere.
(Marco schüttelt den Kopf.)
Angela:
31
--
I säge ja, i heig kei Sändig usseglah.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.