AA Reisiger SOMER2020

Vandie uitvoerendehoof
Wees sterkin2021
Liewe AA-lid
Ek,soosekglo baie vanjulle, kan nie
wag om2020 inmytruspieëls tesien
nie. Hoewel dit ’n besige tyd bydie AA
was enons verskeie projekte afgehandel
het (ten spyte van die inperking), was
hierdie vir baie van ons nie ’n maklike
jaar nie. Ek kan nie wag om’nnuwe
begin inJanuarie temaak nie.
Aan die begin van 2020 het ons
vir onsself doelwitte gestel as deel
van Visie 2030, wat ’n digitale projek
is wat opveiligheid en gerief fokus.
Ons wil produkte en dienste aan ons
lede lewer wat hul lewens makliker
en veiliger maak. Asdeel hiervan het
ons vroeër vanjaar AA Connected Car
en AA Autofacts bekendgestel. Daar
is nog produkte wat in die komende
maande kom, enekisopgewonde dat
die AAindaardie rigting beweeg.
Terwyl ekuitsien na die nuwe jaar
en nuwe uitdagings, isekbekommerd
oor jou regte in2021. Een van die
JA,2020WAS 'N MOEILIKE JAAR,MAARDIE
LAASTE STUK WASREEDSFANTASTIES.EKIS
VOLVERTROUE DATDIE NUWE JAAR SELFS
BETERVOORUITSIGTEINHOU.
kwessies wat jou regte beïnvloed, is
die swak dienslewering byverskeie
Lisensietoetssentrums landwyd. Baie van
julle, en baie nie-lede, het ons gekontak
met stories van lang rye, onvoldoende
personeel, toerusting wat kort-kort
breek enrekenaars wat die kantoor in die
steek laat. Dit isalles dinge wat verhoed
dat jywettig opdie pad bly. Dis ’n saak
waarvan ons bewus isenwat ons aanroer
(en sal aanhou aanroer) namens jou.
Nog ’n bron van kommer isdie
beoogde implementering van die wet
op die Administratiewe Beregtiging
van Padverkeersoortredings (Aarto) in
Julie 2021. Ons het verskeie kwessies
uitgelig wat ons glo inbreuk maak op
jou regte, en wat ons glo uit die wet
geskrap moet word. Besoek asseblief
ons webwerf (aa.co.za) enlees ons
volledige voorlegging of’nopsomming
daarvan. Dit isregtig injou belang dat
jy ingelig isoor hierdie wetgewing.
Maar ongeag dit, asmotoriste moet
ons verantwoordelikheid aanvaar vir
ons aksies. Ons kan dit doen deur seker
te maak ons voertuie ensleepgoed
(ook bote en woonwaens) is in ’n goeie
toestand voordat ons aan die einde
van die jaar gaan vakansie hou. Nog
’n manier is om die padverkeerswette
te gehoorsaam, bedagsaam te wees
teenoor ander motoriste, en’ngoeie
voorbeeld aan jong passasiers te
stel, veral dié wat binnekort self
agter die stuur gaan inskuif.
Ja, 2020 was ’n moeilike jaar, maar
die laaste stuk was reeds fantasties. Ek
is vol vertroue dat die nuwe jaar selfs
beter vooruitsigte inhou. Ekisoortuig
die struikelblokke wat ons in2020 moes
oorkom, sal ons sterker maak in2021. My
boodskap aan julle is om nooit optegee
nie enomuitdagings te verwelkom. Ek
glo dis deel van Suid-Afrikaners seDNS.
As jy in die vakansie op die pad gaan
wees, bestuur asseblief versigtig en
pas jouself en jou geliefdes mooi op.
Ek sien uit nadie nuwe jaar englo ons
gaan almal heelhuids daar aankom.
Ons vennote by Media24 het weer ’n
wonderlike tydskrif saamgestel, endit
wys weer inwatter ongelooflike land ons
woon. Ekisveral mal oor die artikel oor
hoe ‘graffiti’ Johannesburg verfraai. Ekis
seker as jy die tydskrif deurblaai, sal jy
geïnspireer wees omhierdie mooi land
te verken #OndeursteunSAToerisme.
Die AAheg waarde aan jou
lidmaatskap van die assosiasie.
Sonder jou ondersteuning sou ons
nie kon doen wat ons doen nie.
Groete
Willem Groenewald
UITVOERENDE HOOF|AASA
7
SOMER 2020 | AA Reisiger