You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Carta de Nikola Tesla
a Thomas Edison
David Novo Goiriz
gañador da modalidade Relato curto, categoría Xuvenil
G L
2012
Nova York, 3 de xaneiro de 1943
Estimado señor Thomas Edison:
Os meus días están a piques de rematar e vostede leva varios anos
morto. Aínda así escríbolle para dicirlle que a nosa disputa está esquecida.
Vostede será recordado sempre coma un gran científico e inventor. Espero
que no meu caso pase o mesmo, aínda que estou seguro de que non é
posible a curto prazo. Quero darlle razóns para isto nesta carta e por iso
lle vou contar un pouco a miña vida.
Eu nacín en Croacia, non importa a data, ás doce dunha noite de
tormenta eléctrica; quizais isto quixo indicar algo ou foi só froito da
casualidade. Estudei en Belgrado enxeñaría eléctrica, cunha compañía
telefónica. Mentres estudaba patentei o motor eléctrico de indución. Con
28 anos trasladeime a América con poucos cartos e unha carta de
recomendación para vostede do meu xefe que dicía: «Coñezo a dous
grandes homes, vostede é un de eles; este rapaz é o outro.» Alí redeseñei
o xerador eléctrico da súa empresa e varias patentes por unha prima de
50.000$ que non recibín. A raíz disto comezou a nosa disputa, dimitín e
púxenme a cavar en Nova York.
Asombrado pola cantidade de cables do tendido eléctrico aéreo de
Nova York, que mesmo chegaba a bloquear a luz solar nalgunha zona,
ideei a corrente alterna (CA) como alternativa á corrente continua (CC)
que vostede ideou. Así os electróns atopaban menor resistencia eléctrica,
podíase reducir considerablemente o número de cables e diminuían as
perdas. Ademais, co seu sistema era necesaria unha central eléctrica
cada quilómetro e medio, mentres que co meu sistema non.
Tamén intentei levar a cabo o proxecto Wardenclyffe. Eu quería facer
resoar a Terra a unha determinada frecuencia con electricidade, servindo
esta de condutor e de grande «enchufe». Para isto funme ás extensas
129