2011-2015

G L
2012
130
pradarías de Colorado, para investigar coa electricidade inalámbrica. Alí
construín un laboratorio cunha torre de 25 metros de altitude onde había
unha bobina de Tesla. Esta produce coa electricidade o mesmo efecto
que lle produce á auga unha boquilla no extremo dunha mangueira. Esta
bobina conectada á electricidade de Colorado xeraba 12 millóns de
voltios e facía brillar unha lámpada na miña man a máis dun quilómetro
e medio de distancia. Esta enerxía eléctrica non dana os seres humanos,
ao igual que as ondas de radio que nos bombardean. Cría que cruzara
o límite. Só necesitaba diñeiro para facer unha bobina de Tesla xigante.
Na costa leste dos Estados Unidos intentei crear o Centro de Rede de
Electricidade Inalámbrica Wardenclyffe con 150.000$ do empresario J. P.
Morgan. Para convencelo prometinlle grandes beneficios e un futuro glorioso.
Este estaba formado por un laboratorio e unha central eléctrica
cunha torre de 57 metros que albergaba unha bobina xigante. Baixo a
torre afundín variñas de 36 metros para transmitirlle a voltaxe ao solo.
Serían necesarias moitas coma esta para rodear o mundo con electricidade
inalámbrica. A electricidade procedería de centrais hidroeléctricas.
Para producir electricidade tamén patentei un aparato para utilizar
a enerxía radiante procedente do sol, dos raios cósmicos… e defendín a
enerxía xeotérmica, xa que creo que debe deterse o consumo de combustibles
fósiles polo interese de futuras xeracións.
Morgan deixou de financiarme cando Marconi logrou transmitir ondas
de radio atravesando o Atlántico utilizando 17 patentes miñas; así el será
recordado como pai da radio e non eu. O mundo non está preparado
para este proxecto.
O empresario Westinghouse mercou a miña patente da CA por
60.000$ e importantes accións na empresa Westinghouse. Entón foi
cando vostede comezou a facer mala prensa para intentar prexudicarme,
electrocutando animais con CA e mesmo convencendo o goberno para
que a utilizara para electrocutar presos. Vostede chamoulle a isto
«Westinghouseación».
A pesar da mala prensa, Westinghouse mais eu gañamos un concurso
para iluminar a Feira Universal de Chicago. Vostede negouse a que utilizase
as súas lámpadas para a feira, pero eu inventei outras máis fáciles de
fabricar e presentei na antedita feira unhas lámpadas fluorescentes que
quecen menos e duran máis cás incandescentes ideadas por ti.