You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
perspectivas de crecemento futuro de máis do 100%, somos virtualmente
imparables.
* *
G L
2012
Ese orballo na ventá é un pouco molesto, impide apreciar como
empeza a mañá fóra, neses momentos en que un, despois de mirar con
odio o espertador porque está tocando unha vez máis, dirixe os ollos á
luz para identificala e agocharse instintivamente debaixo da manta. Tres
por dez, trinta. Outra vez media hora máis tarde do programado. Hoxe,
igual ca onte, o espertador tivo que tocar en tres ocasións, para sentirse
útil, ou polo que fose. O albornoz quedou no lavabo. Pasar un pouco de
fresco ata aló non lle fará mal a ninguén e axuda a espreguizarse.
Albornoz, almorzo, aseo. Repaso mental de tarefas e, finalmente, saír
da casa.
A primeira tarefa do día: visitar o especialista. O médico de cabeceira
déralle vez e mandáralle facer unhas probas, porque non sabía moi ben
o que tiña.
–Bo día. –Bo día, que tal descansou? –Máis ou menos, unha sempre
está algo preocupada cando o ten que vir ver a vostede. –Pois non se
preocupe, muller, todo ha saír ben.
* *
Nacer, crecer, reproducirse e morrer
Así é a vida. Non hai nada máis complexo nin marabilloso que a vida,
todo o mundo o di. Nada máis complexo, nin máis sinxelo: a vida é
crecer; o que crece está vivo, o que non crece, morre.
Tamén se pode morrer por outros motivos. Por razóns estratéxicas, por
exemplo. Hai quen prefire chamarlles políticas. Por representar un perigo
inminente para o sistema, que xa non nos pode soster, e seica o estamos
a poñer ao bordo do colapso. Extírpanme do meu lugar, sen piedade,
e envíanme incinerar cos meus máis fieis acólitos. Rabia, indignación,
impotencia, pero non tristura. Unha morte heroica para unha elite
invencible, como podería estar triste por tal motivo? Non é por iso, non.
O que me doe é a maldita radiación coa que torturan ata o exterminio os
135