Télécharger au format pdf (364 Ko) - Université de Provence

VII
Non sy passo lou jourt que n'agy souvenenso
De tant de bons amys que son dins Avignon,
Coume es mon Pumejan, Pelletier lou mignon,
Que m'an fach de bon couor de plazers à outrenso (1.
Après, mon cerveou va tout drech passar Durenso,
Per veire lous parents dau gentiou Bouneton
Aulxqualz per tant de ben qu'an fach à Belaudon
Diou lour donne de ben, mays que n'a dins Prouvenso!
Et puys coum’un tavan my bouyno dins l’aureillo
Hauzier, Velo, Gagnon, que m'an à la pareillo
Frondejat (2) de plezers tout un plen gran couffin.
De mon pichot Saunier lou gardy per desserto,
Car tous tens m'es estat sa gibassiero uberto
Et puys my fa mouchar d'Arles lou millour vin. {s. 9}.
1. Dans sa prison, Bellaud revoit en pensée sa joyeuse vie provençale, avant son départ aux armées.
Les amis qu’il cite, vu leur modeste origine, sont difficiles à identifier. Les premiers sont d'Avignon,
mais Velo, Cagnon, Saunier, sont arlésiens. Pour Hozier, de Salon, voir plus loin.
2. Lancé comme avec une fronde.
VIII
He! quand vendra lou jourt que diray d'allegresso:
Ha! Ha! mon Puméjan, tu vezes ton Belau
Aros dins Avignon, qu'es fouoro de l’oustau,
Qu'à grand tort es estat détengut en destresso.
Et puis que lou bon tens de jourt en jourt nous presso,
De gracy, mon dousson, que nous risen un pau;
Eme lous bons arquins à l’entour d'un barrau,
You vouoly sauterrar ma passado tristesso.
Sus, per nous allegrar, anen croumpar en plasso
Un pareou de perdrix ou ben quauquo becquasso,
Per, au nom de Bachus, mouchar blanc et claret;
Mays faut que de l'escouot sie Saunier lou dansaire,
Pelletier et Hauzier, Velo lou charlataire:
Car ausson voulontiers, coum'you, lou goubellet. [s. 11.
IX
Bon dioume, si veziéz lou sauvage tempery
Que nautres patissen eici, vespre et matin,
Quant tu auriez lou couor fach d'acier lou plus fin,
Cresi qu'auriez pietat de nostro grand misery.
Amariou mays cent fes endurar un crestery
De tencho ou de lessiou, ou faire un' autro fin (1,
Qu'estar encaro un mez en tau charavarin;
Autamben my faudrié pourtar au sementery.