Pedalangan Jilid 1.pdf
Pedalangan Jilid 1.pdf
Pedalangan Jilid 1.pdf
Create successful ePaper yourself
Turn your PDF publications into a flip-book with our unique Google optimized e-Paper software.
139<br />
Saparipurnaning rerangkulan nulya samya lenggah sekeca.<br />
Kakalih-kalihipun yen sinawang saking mandrawa candrane<br />
pindha Sang Hyang Bhathara Sambu miwah Bhathara<br />
Brahma angejawantah neng jagad sigra andum bagya. Prabu<br />
Baladewa rawuh ing nagari Astina mahanani sepi sidhem<br />
ing pasewakan wit kaprabawan maring pangaribawaning<br />
nata Mandura kang amengku gati. Mangkana pangandikane<br />
prabu Duryudana : “kaka prabu, sakecakna”!<br />
Pocapan / Kandha Bedholan Jejer I (gaya Jawatimuran)<br />
Parpurna pangandikaning sang nata Sri Batara Kresna<br />
sigra paring sasmita kundur angedhaton. Tedhak jog saking<br />
palenggahan “dhampar dhenta” Kadherekaken para emban<br />
cethi biyada srimpi manggung ketanggung jaka palara-lara,<br />
sami ngampil pirantining kanarendran. Tindake sang nata<br />
ngagem bungkul kencana, keclap-keclap kinarya tindak<br />
amecak. Sapecak mandheg sapecak tumoleh. Sri nata datan<br />
karsa mriksani adi rengganing gapura. Laju manjing kadhaton<br />
trus kadhatulaya, kapapag garwa prameswari tetiga.<br />
Sagunging para seba nuli bibaran saking sitinggil solahe<br />
kaya seinamberan dhandhang.<br />
(Ki Dalang Cung Wartanu, Mojokerto-an 1979)<br />
Pocapan / Kandha Semedi<br />
Sri Batara Kresna dupi manjing kedhaton sarta sampun kapapag<br />
ingkang garwa tetiga nulya manjing sanggar pamujan<br />
sarwi ngagem busana sarwa seta, sigra nenuwun dhateng<br />
panguwasane batara srana semedi. Traping Semedi<br />
kanthi sedhakep asta, suku tunggal. Sedhakep wus ngarani,<br />
asta tangan, tunggal kumpul. Tegese Srinata ngeningaken<br />
ciptane, ngempalaken pancaindriyane nutupi babahan<br />
hawa sanga. Mandeng pucake grana mandeng nyawang,<br />
pucak pucuk, grana irung. Lire sajuga kang sinidikara. Keplasing<br />
cipta amung sawiji kang sinedya, sowan marang<br />
ngarsane Sang Hyang Pramesthi Guru, amung nyuwun pangayoman<br />
mrih wudharing reruwet.<br />
(Ki Dalang Cung Wartanu 1979)<br />
Kandha / Pocapan Ajar Kayon<br />
Bubaring para seba kanthi tandha tengara panabuhe beri,<br />
swarane gumonthang mengungkang-ungkang saksad sundhul<br />
ing akasa.Tineteg, tinitir kaya pecaha-pecaha, kaya<br />
butul-butula. Sepisan tandha pasewakan bubaran, ping pin-