Euskal Herria ezagutzea (pdf, 4,3Mb) - Kultura Saila - Euskadi.net

Gastronomia
Euskal sukaldaritza munduko ospetsuenetakoa da, tradiziozko
sukaldaritzak zein sukaldaritza berriak (euskal sukaldaritza
berria deritzon sukaldaritza bilakatua eta irudimentsuak) duten
kalitatearengatik. Hiri eta herri ugaritan hainbat jatetxe daude;
batzuk janari onaren tenpluak dira eta Europa osoan ospetsuak
diren sukaldariekin: Arzak, Subijana, Berasategi, Andoni Luis
Aduriz, Arbelaitz, Aranbide, Canales edo telebistaren bidez
famatu bihurtu den Argiñano.
79
Juan Mari Arzak (eskuinean) eta
Karlos Arguiñano sukaldariak.
Tradiziozko sukaldaritza kalitate bikaineko lehengaietan
oinarritzen da; erraz egindako janariak izan ohi dira eta Arabako
Errioxako edo Nafarroako ardo beltz edo gorriarekin, sagardoarekin
edo Getariako edo Bakioko txakolinaz busti ohi dira.
Euskal sukaldaritza klasikoak arraina egiteko oinarrizko lau
saltsa eman dizkio nazioarteko sukaldaritzari: pil-pila ia zuria
(bakailaoren gelatina), saltsa berdea (perrexila, berakatza eta
kipula), gorria bizkaikoa (piper txorizero lehorra) eta beltza
(txibiaren tintaz egindakoa).
Euskal sukaldaritza eta nazioartean duen
ospe justifikatua produktu naturalik
onenak hautatzean oinarritzen dira.
Sagardotegietan, ohiko menua honako hau da: bakailao-tortilla,
bakailao frijitua piper berdeekin, txuleta errea eta Idiazabalgo
gazta intxaurrekin. Edateko, jakina, sagardoa hartzen da. Txotx!
esanda, kupelak zabaltzen dira, bezeroei sagardoa edatera
gonbidatzeko. Sagardoaren gune nagusiak Astigarraga, Hernani
eta Usurbil dira.
Txotx! Sagardoa kupeletik ateratzen.
Tabernetako barrak, askotan, jatetxe txiki
apartak izaten dira.