Os dados do reloxeiro

Prohibido mexar substancias perigosas 109
súas necesidades libremente? Haberá que pórlle multas aos granxeiros
que posúan animais demasiado mexóns ou cagóns? De feito, nalgúns
países xa existen multas para as vacas que producen demasiadas
flatulencias, debido á contaminación xerada polo metano que expulsan
ao ar. Non creo que cheguemos a iso. Hai varias maneiras de impedir
que os restos farmacolóxicos da nosa sociedade se volvan contra nós:
unha é a utilización de técnicas de separación das augas residuais máis
“perigosas”, seleccionando, por exemplo, nos hospitais os residuos
procedentes dos pacientes dos do resto da comunidade. Outra maneira
de levar a cabo a depuración farmacolóxica consiste en inxectar ozono;
esta substancia é un forte axente oxidante que se pode utilizar como
desinfectante no tratamento da auga xa que é capaz de eliminar até un
99% de antibióticos e outras drogas, un campión.
Nunha revista científica onde se fala destes informes hai este chiste: A
doutora dille ao paciente que ten diante “Tome unha pílula destas tres
veces ao día. Ou, simplemente, beba a auga da billa”.