Blómleg búseta og þróun þjónustu

3
Takmarkanir rannsóknarinnar eru m.a. þær að viðhorf, óskir og þarfir eru aðeins
skoðaðar út frá einu sveitarfélagi og því ekki hægt að alhæfa yfir á önnur sveitarfélög. Þar
sem notast er við megindlega aðferð fæst ekki sama dýpt í svör eins og ef um eigindlega
rannsókn væri að ræða. Við öflun gagna var notast við símakönnun þar sem rannsakendur
hringdu í viðmælendur. Þrír spyrlar eru mismunandi og fyrirlögn spurningalistans því ekki
nákvæmlega eins í öllum símtölum.
Lykilhugtök rannsóknarinnar eru skilgreind hér að neðan svo ekki fari á milli mála
hvað rannsakendur eigi við með þeim:
Aldraður íbúi í Eyjafjarðarsveit er einstaklingur sem náð hefur 67 ára aldri, er búsettur í
Eyjafjarðarsveit og hefur þar lögheimili. Samkvæmt lögum um málefni aldraðra nr.125/1999
er miðað við að aldraður sé sá sem náð hefur 67 ára aldri
Búsetuúrræði er ákveðinn kostur eða tegund dvalarstaðar. Sá dvalarstaður getur verið lagaður
að ákveðnum hópum s.s. öldruðum. Dæmi um búsetuúrræði eru dvalarheimili, þjónustuíbúðir
og almennt leiguhúsnæði (Dagný Þórisdóttir, Ellert Kristinsson, Friðrik Jónsson, Hanna
Jónsdóttir og Róbert W. Jörgensen, 2010).
Heimaþjónusta er þjónusta sem býðst öldruðum og einstaklingum sem eiga við tímabundin
eða langtíma veikindi að stríða. Dæmi um heimaþjónustu er t.d. aðstoð við eigin umsjá og
þrif, liðveisla, aðstoð við innkaup o.fl. (Eyjafjarðarsveit, e.d.a).
Ósk er löngun eða þrá einstaklings til að fá eitthvað (Snara, e.d.a).
Ferliþjónusta er ferðaþjónusta sem sveitarfélög sjá um og gerir einstaklingum fært að stunda
vinnu, þjálfun, nota heilbrigðisþjónustu, hæfingu hvers konar og tómstundaiðju
(Akureyrarkaupstaður, e.d.a).
Tómstundaiðja er athöfn sem hefur þýðingu fyrir einstaklinginn og hann ákveður að taka þátt
í, á þeim tíma sem hann ræður yfir (Olson og O'herron, 2004).