Blómleg búseta og þróun þjónustu

49
Sólborgar Sumarliðadóttur og Kristínar Björnsdóttur (2011) kom fram að aldraðir
einstaklingar vildu búa á heimili sínu sem lengst. Aðstoð sveitarfélagsins, fjölskyldu og góðar
aðstæður heima fyrir voru forsenda áframhaldandi búsetu á eigin heimili. Þetta tengist fræðum
kanadíska iðjulíkansins en það leggur áherslu á samspil einstaklings, iðju og umhverfis sem
hefur áhrif á færni við iðju (Law o.fl., 2002). Með heimaþjónustu er umhverfið bætt í takt við
þarfir einstaklingsins og hefur þetta samspil áhrif á daglegt líf.
Í lok spurningalistans sem lagður var fyrir gafst þátttakendum tækifæri til að koma því
á framfæri sem þeim var efst í huga varðandi efni rannsóknarinnar. Margir sem nýttu sér þrif á
vegum sveitarfélagsins hrósuðu starfsfólkinu sem vann þau verk. Nokkrir nefndu þó að
þrifaþjónustan væri misjöfn eftir því hver þrifi. Í Svíþjóð var gerð rannsókn þar sem
öldrunarþjónusta á hjúkrunarheimilum og heimaþjónustu var metin. Notendur þjónustunnar
töldu viðmót starfsfólks vera það atriði sem hvað mestu máli skipti (Hasson og Arnetz, 2011).
Út frá þessum tveimur rannsóknum kemur skýrt fram hvaða atriði aldraðir setja í forgang
varðandi þjónustu og verðugt fyrir starfsfólk og skipuleggjendur þjónustu að hafa það í huga.
Óskir um breytingar á þjónustu á vegum sveitarfélagsins voru ýmsar. Þriðjungur þeirra
þátttakenda sem fengu aðstoð við þrif frá sveitarfélaginu töluðu um að illa væri þrifið og þeir
vildu meiri og ítarlegri þrif. Í viðbótarupplýsingum út frá opinni spurningu komu fram viðhorf
þátttakenda til heimaþjónustunnar þar sem nokkrum fannst hún vera of takmörkuð og þá helst
verklýsing hennar. Kemur þetta að hluta til heim og saman við sænska rannsókn en þar voru
ánægja og óánægja með þjónustu skoðuð út frá heilbrigði einstaklinga, heimaþjónustu,
heimahjúkrun og endurhæfingu. Þau atriði sem þátttakendur voru óánægðast með var hvað
þeim fannst þeir hafa lítið um þjónustuna að segja. Einnig nefndu þeir að tíminn sem
heimaþjónustan var hjá þeim væri ekki nægur (Karlsson o.fl., 2013). Af þessum niðurstöðum
og samanburði við aðrar rannsóknir má sjá mikilvægi þess að hafa viðhorf og óskir notenda í
fyrirrúmi við skipulagningu þjónustu svo komið sé á móts við þarfir þeirra. Eins og áður hefur