Blómleg búseta og þróun þjónustu

25
KAFLI III
AÐFERÐAFRÆÐI
Í kaflanum er sagt frá aðferðafræðinni sem notuð var við rannsóknina. Fjallað er um
rannsóknaraðferðina og spurningalistann sem notaður var, framkvæmd rannsóknarinnar s.s.
þátttakendur, gagnasöfnun og greiningu gagna. Að lokum er fjallað um siðfræðileg atriði.
Tilgangur rannsóknarinnar er að kanna viðhorf, óskir og þarfir íbúa Eyjafjarðarsveitar sem
náð hafa 67 ára aldri fyrir félagsþjónustu og búsetuúrræði í sveitarfélaginu.
Rannsóknarspurningarnar sem stýra verkefninu eru eftirfarandi:
1. Hver eru viðhorf aldraðra íbúa í Eyjafjarðarsveit til félagsþjónustu og búsetuúrræða
í sveitarfélaginu?
2. Hvaða óskir og þarfir hafa aldraðir íbúar í Eyjafjarðarsveit fyrir félagsþjónustu og
búsetuúrræði í sveitarfélaginu?
Skoðuð verða tómstundaiðja, ferliþjónusta, búsetuúrræði og heimaþjónusta og hvernig
þessi atriði ýta undir eða hamla þátttöku íbúanna í daglegu lífi.
Rannsóknaraðferð
Við gerð rannsókna er hægt að nota ýmist megindlega (e. quantitative) og/eða
eigindlega (e. qualitative) aðferð við söfnun gagna. Megindleg aðferð byggir á því sem hægt
er að mæla, telja, skoða dreifingu á, reikna meðaltöl og fá niðurstöður um í tölulegu formi. Til
eru fjórar gerðir megindlegra rannsókna: Lýsandi snið (e. descriptive), samanburðartilraunir
(e. correlational), hálftilraunir (e. cause-comparative) og tilraunir (e. experimental) (Mertler,
2012). Megindlega nálgunin er breiðari en sú eigindlega og sýnir hvernig hópar tengjast sín á
milli. Eigindleg aðferð gefur hins vegar dýpri skilning á því sem verið er að kanna og skoðar
upplifun einstaklinga í hópnum sem er verið að rannsaka. Með megindlegri aðferð er hægt að
túlka niðurstöður á tölfræðilegan hátt og sýna fram á staðreyndir og samanburð. Megindlega
aðferðin er þó ekki gallalaus en hennar helsti ókostur er að ekki næst sama dýpt og þegar