Blómleg búseta og þróun þjónustu

45
Samkvæmt virknikenningunni byggir farsæl öldrun á því að viðhalda virkni og
þátttöku í samfélaginu. Rúmur helmingur svarenda voru meðlimir í Félagi aldraðra í Eyjafirði
og um helmingur þess hóps stundaði félagsstarfið vikulega eða oftar. Virkasti hópurinn innan
félagsins var aldurshópur c) 79 ára og eldri og algengara var að konur væru virkari en karlar.
Af því skipulagða starfi sem var í boði í félagi aldraðra var algengast að þátttakendur
tækju þátt í handavinnu en önnur vinsæl viðfangsefni voru ferðalög og námskeið á vegum
félagsins. Í sveitarfélagi eins og Eyjafjarðarsveit þar sem ein aðal atvinnugreinin er
landbúnaður (Eyjafjarðarsveit, e.d.c), eru bústörfin oft orðin að áhugamáli eða lífsstíl.
Mikilvægt er út frá samfellukenningunni að hætta ekki að sinna alveg búskapnum þótt
einstaklingar séu komnir á efri ár heldur fylgja sama eða svipuðu lífsmynstri en þó í samræmi
við mismunandi aðstæður, öldrunarbreytingar og eigin takt í lífinu (Ingibjörg S. Ásgeirsdóttir
og Eygló Daníelsdóttir, 2011; Feldman, 2008). Þetta kemur heim og saman við niðurstöður
rannsóknar okkar þar sem hluti þátttakenda taldi bústörfin sem sína tómstundaiðju.
Aðeins tveir þátttakendur rannsóknarinnar töldu fjölbreytni tómstundatilboða Félags
aldraðra í Eyjafirði vera of litla en þó komu ýmsar hugmyndir fram um hvernig hægt væri að
fjölga tómstundamöguleikum félagsins. Mikil ánægja var með aðstöðuna hjá félaginu og
nefndu virkir meðlimir að margt hefði breyst til hins betra eftir að hún var bætt svo sem
framboð á viðfangsefnum, viðhorf og mæting félaga. Þessar niðurstöður má skoða út frá
íslenskri rannsókn þar sem borin var saman virkni aldraðra í dreifbýli og þéttbýli. Þar kom í
ljós að þeir sem bjuggu í dreifbýli höfðu m.a. ekki sama úrval af tómstundaiðju og bjuggu við
meiri einangrun og hindranir í umhverfinu (Arnadottir o.fl., 2009). Þó að rannsókn okkar gefi
ekki niðurstöður um aðstæður í þéttbýli höfðu aðeins tveir einstaklingar út á tómstundaiðjuna
að setja en þessi jákvæðu viðhorf gætu tengst ánægju meðlima Félags aldraðra í Eyjafirði með
aðstöðuna. Þegar spurt var um framboð og fjölbreytileika í starfsemi félagsins kom fram að
um helmingur þátttakenda völdu valmöguleikann ég veit ekki. Sá valmöguleiki átti bæði við