Blómleg búseta og þróun þjónustu

42
meiri þrif. Í spurningalistanum var opin spurning sem hvatti fólk til segja frá ef þörf væri á
meiri þjónustu í sveitarfélagið og þá hvernig. Svörin voru flokkuð eftir á og sögðu tæp 3% að
verslun vantaði í sveitarfélagið. Um 3% vildu einnig að hringt yrði reglulega til að athuga
með fólk sem náð hefði háum aldri og tæp 6% vildu fá tilbúinn mat sendan heim, líka um
helgar. Rúmlega 1% vildi fá aðstoð við snjómokstur og sama hlutfall vildi fá garðþjónustu.
Viðbótarupplýsingar þátttakenda
Í lok spurningalistans var opin spurning þar sem þátttakendur fengu tækifæri til að
koma á framfæri viðhorfum, óskum og frekari skoðunum um efni rannsóknarinnar. Þar
nefndu íbúar atriði sem þeim fannst ábótavant og oft voru sterkar skoðanir á lausnum þeim
tengdum. Fólk hrósaði einnig þeirri þjónustu sem fyrir var.
Aðstaðan fyrir félagsstarf aldraðra fékk mikið lof. Svarendur nefndu að margt hefði
breyst til hins betra eftir að hún var bætt, framboð á tómstundatilboðum hefði aukist, viðhorf
og mæting félaga væri betri. Sundleikfimin var ofarlega í hugum margra en þeir sem nýttu sér
hana voru mjög ánægðir. Flestir sem hana stunduðu voru á þeirri skoðun að hún ætti að vera í
boði allt árið.
Þörfum þeirra sem ekki keyrðu var í einhverjum tilfellum ekki mætt og höfðu nokkrir
þátttakendur orð á að fyrir fólk sem ekki væri með bílpróf væri afar erfitt að komast á milli
staða sökum kostnaðar því leigubílar væru dýrir. Sami hópur sagðist finna fyrir einmannaleika
og ætti það til að einangrast. Einnig væri mikil hindrun að vera upp á aðra kominn með akstur
á milli staða. Einn þátttakandi nefndi mjólkurbílinn og að hans væri saknað þar sem hann
hefði, á árum áður, verið regluleg og góð samgönguleið.
Í tengslum við búsetuúrræði kom fram ósk um afslátt á fasteignagjöldum en einn
þátttakandi hafði þá skoðun að sveitarfélagið ætti að veita afslátt á fasteignagjöldum fyrir íbúa
67 ára og eldri sem vilja og geta búið áfram í eigin húsnæði. Þannig væri það hagur
sveitarfélagsins að þurfa ekki að grípa inn í með búsetuúrræði fyrir þennan hóp, heldur gefa