Blómleg búseta og þróun þjónustu

43
fólki möguleika á að búa lengur heima þar sem fasteignagjöld væru orðin stór útgjaldaliður
heimilanna. Annar þátttakandi stakk upp á að byggja raðhús á vegum sveitarfélagsins á
Kristnesi í Eyjafirði með litlum og þægilegum íbúðum sem henta öldruðum. Einnig voru
íbúðir í Hrafnagilshverfi tilgreindar af nokkrum svarendum. Nefnt var að þar ættu að vera
íbúðir sem aldraðir ættu forgangsrétt á og að þar væri hægt að laga umhverfið að þörfum íbúa
t.d. með því að leggja göngustíg frá Akureyrarflugvelli að Hrafnagilshverfi. Nokkrir höfðu þá
skoðun að þar sem öll þjónusta væri á Akureyri væri best að öll stofnanaþjónusta og
þjónustuíbúðir væru staðsettar þar.
Þátttakendur nefndu einnig atriði varðandi heimaþjónustu í Eyjafjarðarsveit og komu
þar fram ýmis viðhorf. Nokkrum fannst að heimaþjónustan væri of takmörkuð og þá
sérstaklega verklýsing hennar. Einn þátttakandi lýsti yfir ánægju með heilsueflandi
heimsóknir, þær væru bæði góðar og nytsamlegar. Félagslegur stuðningur var einnig talinn
mjög mikilvægur fyrir þá sem hann þurfa. Margir sem nýttu sér þrif á vegum sveitarfélagsins
hrósuðu starfsfólkinu sem vann þau verk, bæði fyrir viðmót þeirra og þrifin sjálf. Gagnrýnt
var að ekki væri gripið inn í ef forföll yrðu á þrifum t.d. vegna veikinda starfsfólks. Nokkrir
nefndu að þrifaþjónusta væri misjöfn eftir því hver þrifi.
Í þessum lið spurningalistans komu einnig fram atriði sem tengdust rannsókninni ekki
beint. Þau svör voru flokkuð frá þegar unnið var úr niðurstöðum. Þar voru m.a. nefnd atriði
tengd of lágum ellilífeyri og almennum kjörum eldra fólks, fjallskilanefnd, vistunarmati fyrir
hjúkrunarheimili og lengd biðlista á Kristnes.