Blómleg búseta og þróun þjónustu

7
stofnaðar í takt við kenninguna til að ýta undir virkni aldraðra. Þjónusta dvalarheimila hefur
einnig verið löguð að kenningunni (Ingibjörg S. Ásgeirsdóttir og Eygló Daníelsdóttir, 2011).
Samfellukenningin. Samkvæmt samfellukenningunni (e. continuity theory) byggir
farsæl öldrun á því að viðhalda virkni og þátttöku í samfélaginu. Mikilvægt er að tengja líf á
efri árum við iðju sína í gegnum lífið (Ingibjörg S. Ásgeirsdóttir og Eygló Daníelsdóttir,
2011). Einstaklingar ættu að halda áfram sama eða svipuðu lífsmynstri en þó í takt við
mismunandi aðstæður og öldrunarbreytingar og finna sinn takt í lífinu. Upplifun einstaklinga
er að miklu leyti undir þeim komin. Sumir hafa verið virkir alla tíð og ættu að halda því áfram
og þeim sem síður hafa verið virkir farnast best ef þeir halda í það lífsmynstur. Þeir sem horfa
á efri árin jákvæðum augum, sem tækifæri til þess að öðlast þekkingu og visku upplifa sjálfa
sig á jákvæðari hátt (Feldman, 2008).
Valdefling
Valdefling (e. empowerment) er hugmyndafræði sem samkvæmt Farley, Smith og
Boyle (2009) byggir á að styrkja og efla vald einstaklingsins og gefa honum færi á að finna
leiðir til að bæta eigin stöðu. Hver og einn einstaklingur er þannig sérfræðingur í sínu lífi.
Skjólstæðingurinn áttar sig á eigin styrkleikum sem þegar eru til staðar og fær aðstoð við að
efla þá.
Með valdeflingu hafa notendur aukið vald við skipulagningu þjónustu, umönnun og
meðferð og geta þannig lagt sitt af mörkum til þjónustunnar sem ákvarðast af persónulegri
upplifun notenda. Slík þjónusta getur tryggt betri skilvirkni svo þjónustan verður áhrifameiri
og hæfir notendum betur (World Health Organisation (WHO), 2008). Kanadíska
iðjuþjálfafélagið skilgreinir valdeflingu sem persónulegt og samfélagslegt ferli sem hefur
áhrif á sýnilegar og ósýnilegar gjörðir með því að dreifa valdi jafnt á milli allra (Law o.fl.,
2002).