Blómleg búseta og þróun þjónustu

22
voru atriði sem snéru að persónulegu viðmóti starfsfólksins sjálfs þ.e. að það bæri virðingu
fyrir skjólstæðingum sínum og væri áreiðanlegt í þjónustu við þá. Þau atriði sem þátttakendur
voru óánægðastir með var hvað þeim fannst þeir hafa lítið um þjónustuna að segja. Einnig
nefndu þeir að tíminn sem heimaþjónustan var hjá þeim væri ekki nægur. Höfundar mátu svo
að þetta mætti bæta með aukinni áherslu á valdeflandi þjónustu við eldri borgara en þá væri
aukin þekking og hæfni starfsfólks nauðsynleg. Rannsóknin sýndi einnig fram á að þeir
einstaklingar sem bjuggu í aðlagaðri búsetu eins og þjónustuíbúðum voru óánægðari með
þjónustu s.s. magn hennar, virðingu starfsfólks og tillitssemi en þeir sem bjuggu ekki í
aðlöguðu húsnæði. Þessir þættir tengdust að miklu leyti lélegra heilsufari og minni færni sem
gerði notendur háðari þjónustunni. Á heildina litið voru þeir einstaklingar sem voru hraustir
og upplifðu sjálfa sig heilbrigða ánægðastir með þjónustuna.
Heimaþjónustu Eyjafjarðarsveitar er þannig háttað að nú er gildandi samningur milli
sveitarfélagsins og Akureyrarbæjar sem hljóðar þannig að þeir sem eiga lögheimili í
Eyjafjarðarsveit sækja um heimaþjónustu til Akureyrarbæjar. Samningurinn snýr að því að
Akureyrarbær sér um að meta þörf fyrir þjónustu sem síðar er ákvörðuð og veitt af
Eyjafjarðarsveit (Búsetudeild Akureyrarbæjar, 2009). Þjónustan snýr að nokkrum þáttum eins
og tekið er fram hér að ofan, s.s. heimilisþrifum, heimsendingu matar og eigin umsjá. Í
desember árið 2012 fengu 16 aldraðir einstaklingar heimaþjónustu frá sveitarfélaginu og þar
af fékk einn einstaklingur heimsendan mat (Hrönn Arnheiður Björnsdóttir vefpóstur, 17. apríl
2013). Samkvæmt lögum um félagsþjónustu sveitarfélaga nr. 40/1991 kemur fram að
sveitarfélögum ber skylda til að setja reglur um félagslega heimaþjónustu. Ekki eru slíkar
reglur fyrirliggjandi hjá Eyjafjarðarsveit og er vísað í reglur Akureyrarbæjar. Í verklagsreglum
um þrif á heimilum, heimaþjónustu A hjá Akureyrarbæ, eru almennar leiðbeiningar um þá
þjónustu sem innt er af hendi af starfsmönnum heimaþjónustu. Þar segir m.a. að þjónusta sé
veitt eftir því hvaða þjónustu einstaklingar hafa fengið samþykkta þ.e. aðstoð við það sem