Blómleg búseta og þróun þjónustu

41
Heimaþjónusta
Þegar líður á ævina er algengt að einstaklingar þurfi aðstoð við athafnir daglegs lífs og
þurfti meirihluti þátttakenda einhvers konar aðstoð við heimilislíf sitt. Aðspurðir sögðust rúm
40% þátttakenda ekki fá neina aðstoð heima við, 8% sögðust fá aðstoð frá öðrum sem bjuggu
á heimilinu. Fjórðungur (25%) sagðist fá aðstoð frá syni/dóttur utan heimilis og rúmlega 1%
fékk aðstoð frá barnabarni utan heimilis. Heimilishjálp eða heimahjúkrun nýttu rúmlega 22%
þátttakenda sér og 4% fengu aðstoð frá ættingja, nágranna eða öðrum góðum vini.
Spurðir nánar út í þjónustu á vegum sveitarfélagsins sögðust tæp 78% þátttakenda ekki
nýta sér neina þjónustu á
vegum þess. Tæp 21% sögðust
fá aðstoð við þrif á heimilinu
og rúmt 1% sagðist fá aðstoð
við eigin umsjá. Þjónusta sem í
boði var skipti alla jafna miklu
máli fyrir þátttakendur. Mynd
10 sýnir það nánar.
%
70
60
50
40
30
20
10
0
Mjög miklu
máli
Frekar
miklu máli
Hvorki
miklu né
litlu máli
Frekar litlu
máli
Mjög litlu
máli
Mynd 10. Mikilvægi félagsþjónustu á vegum sveitarfélagsins
fyrir þá sem hana þáðu.
Skoðað var hvort munur væri milli kynja á því hvaða aðstoð fólk fengi á heimilinu. Í
ljós kom að 47% karla fengu enga aðstoð á heimilinu en 33% kvenna. Jafnt hlutfall karla og
kvenna fékk þó þjónustu heim á vegum sveitarfélagsins eða 22% allra þátttakenda. Skipting
milli aldurshópa var á þann hátt að 33% þátttakenda í hópi c) fengu þjónustu á vegum
sveitarfélagsins heim en 22% í hópi b). Aðeins 12% einstaklinga í hópi a) fengu slíka
þjónustu.
Óskir um breytingar á þjónustu sveitarfélagsins voru ýmsar. Með opinni spurningu
voru þátttakendur beðnir um að meta þá þjónustu sem þeir fengu og svöruðu tæp 13% þeirra
sem fengu þjónustu á vegum sveitarfélagsins að illa væri þrifið og rúm 31% vildu ítarlegri og