Blómleg búseta og þróun þjónustu

18
tengslum við samgöngur og ferliþjónustu væru þróaðar væri mikilvægt að skoða þarfir
markhópsins og það umhverfi sem þjónustan kæmi til með að vera veitt í.
Samkvæmt rannsókn Ahern og Hine (2012) sem gerð var á Írlandi á samgöngum í
dreifbýli kom fram að einkabílar væru mikilvægasti og mest notaði ferðamáti aldraðra íbúa í
dreifbýli. Í rannsókninni var gögnum safnað með rýnihópum íbúa 60 ára og eldri, alls 11
hópum. Áhersluatriði rýnihópanna voru að skoða ferðamáta og iðju eldra fólks, koma auga á
helstu vandamál og bera saman skoðanir karla og kvenna. Munur á viðhorfum og þörfum fyrir
ferðamáta var þó nokkur milli kynja, t.d. nefndu karlar það sinn helsta fararmáta að keyra
sjálfir á meðan konur töldu einkabíla vera sinn helsta fararmáta og skipti þá litlu hvort þær
keyrðu sjálfar eða væri ekið af öðrum, t.d. maka eða fjölskyldumeðlimi. Þar sem
almenningssamgöngur voru í boði reyndist meiri ánægja með samgöngurnar hjá konum en
körlum. Helsta ástæðan var að notkun almenningssamgangna reyndi á stolt karlmanna en þeir
upplifðu það sem lítillækkun að nota þær. Önnur ástæða var að þar sem konur væru vanari því
að vera farþegar í bílum en karlar væri það minna skref fyrir þær að verða farþegar í
almenningsvögnum en fyrir karla sem alltaf höfðu keyrt sjálfir. Þátttakendur töluðu um að við
það að hætta að keyra minnkaði sjálfstæði þeirra og frelsi. Almenningssamgöngur fyrir
þennan aldurshóp nýttust best þegar fólk hafði þörf fyrir að komast í verslanir og félagsstarf.
Erfiðast reyndist að nýta samgöngurnar þegar sækja átti heilbrigðisþjónustu en í þeim
tilvikum endaði fólk oft á að þurfa að taka leigubíl sem reyndist þeim of dýr ferðamáti.
Niðurstöður sýndu þó að á svæðum með góðar almenningssamgöngur jukust möguleikar
þeirra einstaklinga sem óku ekki sjálfir til að verða virkari þátttakendur í samfélaginu.
Í rannsókn White o.fl. sem kynnt hefur verið hér að ofan voru könnuð áhrif
umhverfisþátta á virkni aldraðra. Niðurstöður leiddu í ljós að almenningssamgöngur og
ferliþjónusta væru mikilvægir þættir í umhverfi eldra fólks. Niðurstöður þessarar rannsóknar
studdu við það sem nefnt var hér að ofan að þar sem ferliþjónustu vantaði höfðu aldraðir verra