Blómleg búseta og þróun þjónustu

30
rannsóknina, s.s. tilgang hennar og eðli spurningalistans (sjá fylgiskjal B). Fyrirlagnir tóku 8-
38 mínútur, að meðaltali 17 mínútur. Rannsakendur verkefnisins hringdu í viðmælendur, rúm
30 símtöl hver. Gögnum var safnað dagana 2.-10. mars 2013. Eyjafjarðarsveit greiddi
útlagðan kostnað við rannsóknina, þ.e. prent- og sendingarkostnað á kynningarbréfi og
kostnað við símtöl.
Greining gagna. Gagnagreining fór fram að lokinni gagnaöflun. Listi yfir þýðið var
settur upp í Microsoft Office Excel (Excel) þar sem m.a. voru skráðar inn upplýsingar um
lengd símtala. Notast var við tölfræðiforritið Statistical package for social Sciences (SPSS) og
tíðnitöflur fengnar fram sem sýndu tíðni og hlutfall svara auk þess sem krosstöflur voru nýttar
til að sjá hvernig tvær breytur tengdust. Excel var einnig notað til að útbúa súlurit og töflur
við framlögn og lýsingu niðurstaðna. Algengt er að öldruðum sé skipt upp í eftirfarandi
aldursflokka þegar fjallað er um þá: a) 65-74 ára, b) 75-84 ára og c) 85 ára og eldri (Feldman,
2008). Í upphafi skiptu rannsakendur úrtakinu eftir þessum sömu flokkum. Þegar
gagnagreining hófst í SPSS kom í ljós að of mikill munur var á fjölda einstaklinga í hópunum
og því erfitt að fá marktækar niðurstöður þar sem aðeins níu þátttakendur voru í elsta
aldursflokknum. Í samráði við aðferðafræðing var svarendum skipt í jafnari hópa eða a) 67-71
árs, alls 26 einstaklingar b) 72-78 ára, alls 22 einstaklingar og c) 79 ára og eldri, alls 24
einstaklingar. Með skiptingunni var hægt að bera saman breytur eftir aldurshópum og fá
þannig skýrara yfirlit um viðhorf, óskir og þarfir íbúanna. Til að kanna tengsl breyta var notað
kí-kvaðrat próf. Með kí-kvaðrat prófi er hægt að meta hvort tengsl breyta séu marktæk og
sýnir útkoman hvort alhæfa megi niðurstöður úrtaksins yfir á þýðið miðað við þau
marktektarmörk sem rannsakandi setur (Field, 2009). Í þessari rannsókn var miðað við 95%
marktektarmörk eða p < 0,05.