Blómleg búseta og þróun þjónustu

19
aðgengi að félagsstarfi og tómstundaiðju en þar sem slík þjónusta bauðst var fólk virkara í
tómstundaiðju og félagsskap (White o.fl., 2010).
Í Eyjafjarðarsveit gengur skólabíll um sveitina á morgnanna. Hann er opinn öllum og
enginn aðgangseyrir þó skólabörn nýti sér það mest. Fyrir u.þ.b. áratug var tvívegis reynt að
halda uppi almenningssamgöngum sem fóru hring um sveitina. Þeim tilraunum var þó hætt
vegna lítillar sem engrar nýtingar. Óskað hefur verið eftir viðræðum um strætóferðir í
sveitarfélaginu (Jónas Vigfússon vefpóstur, 26. mars 2013). Samkvæmt þeim heimildum sem
höfundar hafa komist yfir er ferliþjónusta ekki í boði í sveitarfélaginu.
Búsetuúrræði aldraðra
Samkvæmt lögum um málefni aldraðra nr.125/1999 eiga aldraðir rétt á nauðsynlegri
heilbrigðis- og félagsþjónustu og að geta búið við eðlilegt heimilislíf eins lengi og þeim er
unnt. Öldruðum skal einnig tryggð stofnanaþjónusta þurfi þeir á henni að halda en
heimaþjónusta á að vera í boði fyrir þá sem enn búa á heimili sínu. Einstaklingum sem ekki
eru færir um heimilishald þrátt fyrir heimaþjónustu skal standa til boða dvalarheimili, sambýli
eða íbúðir sem sérhannaðar eru fyrir aldraða. Fyrir þá sem eru of lasburða fyrir dvalarheimili
eiga hjúkrunarheimili eða hjúkrunarrými á öldrunarstofnun að vera í boði. Þar skal vera veitt
endurhæfing auk læknis- og hjúkrunarþjónustu. Mikilvægt er að þjónustan sé
skjólstæðingsmiðuð og fari eftir þörfum hins aldraða. Þessi úrræði skulu þó ekki nýtt fyrr en
fullreynt er að einstaklingur geti ekki búið í heimahúsi. Samkvæmt lögum eiga aldraðir einnig
rétt á þjónustuíbúðum sem geta verið leigu-, sjálfseignar- og búseturéttaríbúðir. Þar á að vera
fjölbreytt þjónusta í boði s.s. aðstoð við þrif, mataraðstoð og aðgangur að félagsstarfi.
Í rannsókn Sigurveigar H. Sigurðardóttur (2006) var fjallað um viðhorf og vilja
aldraðra sem búa í heimahúsum Í Reykjavík. Þátttakendur voru á aldrinum 60-99 ára, 20
karlar og 26 konur og var gagna aflað með sjö rýnihópum. Rætt var m.a. um heimahjúkrun og
þjónustuíbúðir fyrir aldraða í hópunum. Þar kom fram að þátttakendum þóttu íbúðirnar henta