Blómleg búseta og þróun þjónustu

35
Þátttaka í Félagi aldraðra í Eyjafirði var skoðuð sérstaklega og sýndu niðurstöður að
56% þátttakenda voru meðlimir í félaginu. Meðlimir félagsins voru skoðaðir eftir aldri og
kyni. Konur voru alls tæp 58% en karlar rúm 42%. Ekki var marktækur munur milli kynja
(χ 2 (1,40)=2,025; p=1,55). Þá var skoðað hvort marktækur munur væri á milli aldurshópa
meðal meðlima í félagi aldraðra. Fjórðungur meðlima (25%) tilheyrðu aldurshópi a), 35%
voru í aldurshópi b) og 40% tilheyrðu aldurshópi c). Ekki var marktækur munur milli
aldurshópa (χ 2 (2,40)=4,859; p=0,88). Helmingur meðlima (50%) stundaði félagsstarfið
vikulega eða oftar og var kynjahlutfall jafnt.
Skoðað var hvort þeir sem stunduðu launað starf væru meðlimir í félagi aldraðra.
Rúmur fjórðungur (27%) þeirra sem stunduðu launað starf voru meðlimir í félagi aldraðra á
móti 56% heildarinnar. Marktækur munur var á milli hópanna (χ 2 (1,15)=6,404; p=0,01).
Ríflega helmingur (53%) þeirra sem stunduðu sjálfboðastarf voru meðlimir í félagi aldraðra
en ekki var marktækur munur þar á milli (χ 2 (1,17)=0,062; p=0,804).
Algengast var að þátttakendur tækju þátt í handavinnu af því skipulagða starfi sem var
í boði á vegum félags aldraðra í sveitinni en mynd 4 sýnir nánar þau tómstundatilboð sem
meðlimir nýttu sér. Taka skal fram að þátttakendur gátu nefnt fleiri en einn möguleika.
70
60
50
40
% 30
20
Konur
10
Karlar
0
Mynd 4. Tómstundaiðja þátttakenda á vegum Félags aldraðra í Eyjafirði eftir kyni. Hlutfall
þeirra sem voru meðlimir í félaginu.