Blómleg búseta og þróun þjónustu

47
Fogelholm o.fl. (2006) þar sem kom fram að ýmsir þættir s.s. litlar eða engar
almenningssamgöngur og veðurfar takmarki þátttöku og hafi áhrif á daglegar athafnir aldraðra
sem búa í dreifbýli.
Nokkur kynjamunur var á notkun ferðamáta hjá þátttakendum í rannsókn okkar og
viðhorfum til þeirra. Flestir sögðust oft keyra sjálfir, fleiri karlar en konur. Næst algengasti
ferðamáti svarenda var að vera ekið en marktækt fleiri konur nýttu sér þann kost en karlar.
Fáir þátttakendur töldu að þeir myndu nýta sér ferliþjónustu væri hún í boði en fleiri konur en
karlar töldu líklegt að nýta sér slíka þjónustu. Þetta kemur heim og saman við niðurstöður
Ahern og Hine (2012), þar sem karlar nefndu það sinn helsta fararmáta að keyra sjálfir á eigin
bíl. Konur töldu einkabíla einnig vera sinn helsta ferðamáta en það skipti þær litlu máli hvort
þeim var ekið af öðrum eða keyrðu sjálfar. Helsta ástæðan fyrir kynjamuninum var að notkun
almenningssamgangna reyndi á stolt karlmanna en þeir upplifðu það sem lítillækkun að nota
þær. Önnur ástæða var að þar sem konur væru vanari því að vera farþegar í bílum en karlar
væri það minna skref fyrir þær að verða farþegar í almenningsvögnum en fyrir karla sem alltaf
höfðu keyrt sjálfir. Þessar ástæður gætu einnig átt við um aldraða íbúa Eyjafjarðarsveitar og
væri verðugt að hafa til hliðsjónar við þróun á akstursþjónustu fyrir þá.
Búsetuúrræði
Í niðurstöðukaflanum komu fram viðhorf svarenda til eigin búsetu auk óska og þarfa
fyrir breytingar. Spurt var hvernig núverandi húsnæði hentaði viðkomandi og hvað mætti bæta
ef búsetuúrræðið hentaði ekki. Helstu ástæður þess að húsnæði hentaði ekki voru að það væri
of stórt eða gamalt, stigar milli hæða eða að of langt væri í þjónustu. Þátttakendur voru
spurðir hvort þeir hefðu áhuga á þjónustuíbúðum fyrir aldraða á vegum sveitarfélagsins.
Rúmlega helmingur hóps b) hafði áhuga á slíku úrræði en færri í hópum a) og c). Einnig voru
þátttakendur spurðir út í hvernig búsetuúrræði þeir myndu vilja flytja í ef það stæði til. Þar
nefndu svarendur m.a. búsetuúrræði sem gæfi kost á meiri félagsskap. Þessar óskir