Blómleg búseta og þróun þjónustu

17
Annað hvert ár halda félagsmenn handverkssýningu á verkum sínum. Á sumrin þegar
Félagsborg er lokuð eru farnar gönguferðir eitt kvöld í viku. Yfir vetrartímann er haldið
námskeið í sundleikfimi, alls 10 skipti. Farnar eru ýmsar ferðir á vegum félagsins, dagsferðir á
veturna en einnig eru farnar lengri ferðir á sumrin. Félag aldraðra í Eyjafirði skipuleggur
starfsemina en í Félagsborg starfa tveir starfsmenn sem eru á launum hjá sveitarfélaginu.
Einnig hefur sveitarfélagið staðið straum af launakostnaði varðandi leikfimi, sundleikfimi og
ýmis námskeið (Hildur Gísladóttir munnleg heimild, 18. apríl 2013).
Ferðamátar aldraðra
Ferliþjónusta er ferðaþjónusta fyrir einstaklinga sem vegna skertrar færni sem rekja
má til fötlunar, sjúkdóma eða aldurs geta ekki nýtt sér almenningssamgöngur eða komast ekki
á milli staða á annan hátt. Þjónustan gerir einstaklingum fært að stunda vinnu, sækja
heilbrigðisþjónustu, þjálfun, hæfingu hvers konar og tómstundaiðju (Lög um málefni fatlaðs
fólks nr.59/1992; Akureyrarkaupstaður, e.d.a).
Erlendis hafa margar rannsóknir verið gerðar um ferðamáta eldra fólks en lítið hefur
verið skrifað um efnið á Íslandi. Samkvæmt rannsókn Davey (2007) sem gerð var á Nýja
Sjálandi hefur aðgangur að góðum ferðamátum s.s. einkabíl og reglulegum
almenningssamgöngum mikil áhrif á þátttöku aldraðra í samfélaginu. Tekin voru hálfbundin
viðtöl við 28 hjón og 43 einstaklinga sem ýmist bjuggu í þéttbýli eða dreifbýli. Meðalaldur
viðmælanda var 83 ár. Virkustu þátttakendur rannsóknarinnar voru þeir sem höfðu möguleika
á að aka sjálfir, ganga á milli staða eða nýta sér almenningssamgöngur. Þeir sem ekki gátu
nýtt sér þá möguleika þurftu að treysta á að fá far með öðrum, nota leigubíl eða ferliþjónustu.
Ferliþjónustan var fólki mjög mikilvæg en algengara var að konur nýttu sér þjónustuna en
karlar. Mikilvægt þótti að efla eldri borgara til að nýta sér ferliþjónustuna og aðlaga
umhverfið að þörfum þeirra. Slík aðlögun hvatti eldra fólk til þátttöku í samfélaginu og var
því mikilvægur þáttur í farsælli öldrun. Niðurstöður sýndu einnig að áður en aðgerðir í