Create successful ePaper yourself
Turn your PDF publications into a flip-book with our unique Google optimized e-Paper software.
Мозаик<br />
РАСПОЛОЖЕНИ<br />
ЗА ДОБРА КНИГА<br />
„КНИГА ЗА ТЕЛОТО“ – КАМЕРОН ДИЈАЗ СО САНДРА БАРК [АРС ЛИБРИС]<br />
Како млада девојка, Камерон не размислувала секогаш за тоа дека одлуките што ги носи<br />
за својата исхрана и својот начин на живот ќе влијаат на нејзиното здравје во годините<br />
што доаѓаат. Но, во изминатите 15 години, таа открива дека она што го јаде секогаш е<br />
поврзано со тоа како се чувствува и како изгледа. Тоа сознание – дека исхраната влијае<br />
на животот – ја натера да истражува и да дознае кој е најдобриот начин на исхрана,<br />
физичка активност и грижа за нејзиното тело. Во ова нејзино авторско дело, таа ги<br />
презентира пристапот и филозофијата за долг, здрав и среќен живот, поддржани од<br />
многубројни научни истражувања на светски експерти, а пренесени на нејзин личен<br />
јазик, стил и страст. „Книга за телото“ претставува моќен, едукативен и инспиративен<br />
прирачник за секоја жена.<br />
„ЗАЈДИСОНЦЕ“ – КАТЕРИНА ЏАТЕВА [АНТОЛОГ]<br />
Една млада девојка сака да заигра во ритамот на музиката, но се впушта и во ритамот на<br />
страста. Амбициозната Кармен се запишува на часови по танцување кај шармантниот и<br />
неодолив Соф. Отсуството на својот свршеник Ник го користи за да го разбуди својот<br />
талент за танцување без притоа да биде свесна дека судбината ѝ наметнува будење на<br />
љубовта што била затрупана од општеството. Кармен и Соф се впуштаат во љубовна<br />
врска што има облик на секаков вид романса освен на краткотрајна афера. Сплет на<br />
мисли, сплет на чувства што ечат од главата на неверната жена. Интересен спој на еден<br />
маж што не сака да сака и една жена што се плаши да сака и да биде сакана.<br />
„АБАДОН, УНИШТУВАЧОТ“ – ЕРНЕСТО САБАТО [ТРИ]<br />
Абадон, уништувачот ја затвора трилогијата почната со „Тунел“, а следен од „Херои<br />
и гробови“. Развивајќи ја во својот најширок регистар метафората на Извештајот за<br />
слепите, овој необичен и длабок роман го вметнува Ернесто Сабато во амбиентот на<br />
текстот и го вклучува како лик во една комплексна техничка конструкција, чијашто<br />
игра на перспективи нѐ враќа воедно во реалноста на едно време на апокалипса и<br />
на душевните јами во кои нурка визионерската моќ на создателскиот чин. На тој<br />
начин, на врвот на својата грандиозност, ова сеопфатно, опширно дело кулминира и<br />
ги има во себе сета сабатовска уметност и длабочината на неговото егзистенцијално<br />
истражување.<br />
„КОПНЕЖ ПО ДОМ“ – ЏЕНИ ЕРПЕНБЕК [МАГОР]<br />
Во центарот на овој специфично сензуален, елегантен роман, се наоѓа еден имот изграден<br />
во шумата близу Бранденбуршкото Езеро, недалеку од Берлин. Опфаќајќи повеќе од сто<br />
години од германската историја, од XIX век до Вајмарската Република, од Втората светска<br />
војна до создавањето на ДДР, па до конечното обединување на Германија, „Копнеж по дом“<br />
нѐ запознава со различните животни судбини на дванаесет луѓе. На еден ист простор ги<br />
следиме драматичните приказни на луѓето што ги проживуваат своите страсти и судбини.<br />
Ерпенбек со специфично чувство за раскажување и доловување на карактерите, пишува<br />
исклучителен поетичен роман, што ги открива и обичностите на секојдневното постоење<br />
и големите егзистенцијални прашања што се независни од времето во кое ќе се појават.<br />
Така „Копнеж по дом“ истовремено е и многу личен и универзален роман за непрекинатата<br />
потрага на човекот по смисла.<br />
104<br />
Не запирајте со читањето тука: испратете ни е-пошта со вашите<br />
податоци на contact@portretmag.com и освојте една од книгите погоре.