You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Портрет на уредникот<br />
Биди ми другар<br />
Имам една особина на која сум посебно горда, никогаш немам<br />
компетитивна природа или нетрпеливост без причина кон друга<br />
жена. Напротив, не пропуштам можност да доделам комплимент, кога сметам<br />
дека некој го заслужува. Низ моето растење и созревање, многу жени ми<br />
помогнале на различни начини. Жени од Холивуд, жени од моето секојдневие,<br />
славни и неславни. На пример, во раната младост ја обожував Сиена Милер.<br />
Не знам дали бидејќи се идентификував со неа (плава и слаба :) ) или зашто<br />
навистина отскокнуваше, модно освестена и своја, ама многу ја сакав. За<br />
секој проблем што го имав, се прашував како таа би постапила, го мразев Џад<br />
Лоу кога ја изневери, едноставно таа беше мојата другарка од Лондон, само<br />
што требаше некој да ѝ каже дека сме другарки.<br />
Сум имала многу такви, најразлични фази. Едно време, кога се омажив, ја<br />
сакав Џеки Кенеди. Колку само достоинствено ги шетала стотиците костими<br />
од Шанел и колку филмски ѝ стоеле сите очила за сонце. Посебно ѝ се<br />
восхитував што во секоја пригода изгледала како: „Мерилин која?“<br />
Сите тие мои холивудски и не толку гламурозни другарки се со мене во<br />
добро и лошо. Последниве години се сѐ помалку славни и познати. Жени,<br />
мајки, другарки, познајнички, со една заедничка карактеристика. Сите си го<br />
живеат својот живот, си ја водат својата борба, си го одат својот пат, мирно<br />
и спокојно, без злоба, со многу љубов и убав збор за секого. Со своите<br />
проблеми се носат најдостоинствено и притоа изгледаат совршено. Нивниот<br />
изглед е нивна заслуга, зашто се сакаат себеси и зашто не пропуштаат да се<br />
надградат на кое било поле.<br />
Затоа посебно ме радува тоа што нашата јулска насловна страница ја краси<br />
токму таква жена. Прекрасната Надица Георгиева е многу повеќе од една од<br />
најубавите Македонки. Нејзината стабилност, мирот и спокојот што зрачат од<br />
секој нејзин чекор се одлика на години работа на себе и исклучителна лична<br />
сила.<br />
Ме радува и што запознав еден татко, кој секогаш е тука за својот син,<br />
подготвен да го фати пред да падне, да блеска од гордост при секој негов<br />
напредок, да го гледа додека другарува во кафуле тргнат настрана со<br />
очи полни љубов. Се идентификував со борбата на Ивица Шкрињариќ<br />
со состојбата на неговиот син Дино, не само зашто сум родител и исто<br />
мислам дека не постои работа што не би ја направила за да му помогнам на<br />
своето дете, туку зашто Дино е доказ дека само љубов и добрина создаваат<br />
квалитетни луѓе.<br />
И овој број на страниците на „Портрет“ ќе најдете многу инспиративни<br />
приказни. Можеби во некоја ќе се пронајдете и вие. Можеби нечија победа<br />
ќе ја доживеете како своја, некој личен пораз ќе го препознаете во нечии<br />
зборови. Зашто сѐ е многу полесно кога имаш другар. Па, макар и од Холивуд.<br />
Ружица Антиќ<br />
Илустрација: Жарко Чулиќ