You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Семеен портрет<br />
ЗОШТО ТОКМУ ПЛИВАЊЕ?<br />
Пред сѐ бидејќи водата колку<br />
што знае да биде привлечна и<br />
возбудлива за децата, за жал<br />
е исто толку и опасна. Според<br />
статистичките податоци<br />
давењето е втора на листата<br />
причини за смрт при несреќен<br />
случај кај децата на возраст до<br />
14 години. Само еден чекор<br />
повеќе при прошетки покрај<br />
вода или посилен бран додека<br />
играат во песок може да бидат<br />
фатални доколку најмалите<br />
не знаат да ги прилагодат<br />
своите движења или уште не<br />
го совладале стравот од вода.<br />
Пливањето од најрана возраст<br />
ќе ги направи посигурни<br />
во себе и долгорочно ќе ја<br />
намали опасноста од несакани<br />
последици при контакт со<br />
водени површини.<br />
УРАМНОТЕЖЕН РАЗВОЈ НА<br />
ТЕЛОТО<br />
За разлика од спортовите при<br />
кои се активира одредена група<br />
на мускули за сметка на други,<br />
како на пример тенисот или<br />
велосипедизмот, пливањето<br />
овозможува урамнотежен<br />
развој на мускулите. Напорот<br />
е рамномерно распореден по<br />
целото тело придонесувајќи<br />
за симетричен и хармоничен<br />
раст кај децата. Згора на тоа,<br />
практикувањето на овој спорт<br />
е од голема помош за правилно<br />
држење на телото. Педијатрите<br />
го препорачуваат во случај<br />
на кифоза или сколиоза.<br />
Доколку и вие сте од групата<br />
родители кои мора постојано<br />
да ги потсетуваат децата да не<br />
седат во згрбавена положба,<br />
пливањето ќе ви биде од помош<br />
со тоа што ќе ги привикне да<br />
го држат исправен грбот и да<br />
имаат поелегантно држење на<br />
телото без да забележат.<br />
Придобивките од оваа<br />
физичка активност за<br />
мускулно-скелетниот апарат<br />
се неспорни, па дури и кај деца<br />
кои редовно се занимаваат<br />
со било кој друг спорт,<br />
пливањето значително ќе<br />
придонесе за надополнување<br />
и балансирање на мускуната<br />
активност, релаксација или пак рехабилитација при<br />
одредени телесни повреди. А кога сме кај повредите, токму<br />
пливањето се вбројува меѓу спортовите со најмал ризик<br />
од истите поради отпорот на водата. Дури и во случај на<br />
помали повреди, за разлика од останатите спортови, може<br />
да се продолжи со тренинг без да се форсира повредениот<br />
дел.<br />
Пливањето гарантира не само здрав развој на коските<br />
и мускулите, туку и на срцето и белите дробови,<br />
подобрувајќи го и зајакнувајќи го кардиоваскуларниот<br />
систем. Допринесува и за координирано користење на<br />
екстремитетите и ја подобрува способноста за перцепција<br />
на телото, правејќи ги децата посвесни за сопствените<br />
движења и телесни граници.<br />
ПЛИВАЊЕТО Е СОЈУЗНИК НА УМОТ<br />
Позитивните ефекти од овој спорт не завршуваат со<br />
физичкиот развој на телото, неспорни се и придобивките<br />
за умот и психичката рамнотежа кај децата. Постојано<br />
практикување на пливањето како физичка активност<br />
придонесува за подобрување на нивната концентрација<br />
и посветеност, особини важни за нивниот општ развој<br />
и надвор од спортскиот контекст, пред сѐ на училиште.<br />
Пливањето како постојана воншколска активност ќе ги<br />
научи како поефикасно да го организираат времето за<br />
да постигнат подобри резултати. Освен тоа, и самите<br />
стануваат сведоци на промените на сопственото тело,<br />
зајакнувањето на мускулите, забрзан раст, а и подобрување<br />
на брзината и вештината во вода благодарение на постојан<br />
тренинг. Задоволството од напредокот се рефлектира на<br />
сите сфери од нивното живеење. Стануваат свесни дека<br />
за да успеат треба да работат на себе и да веруваат во<br />
сопствените квалитети. Им се зајакнува самодовербата,<br />
клучна при развојот на карактерот особено во периодот<br />
пред адолесценција.<br />
ГИ ОХРАБРУВА ДЕЦАТА СО ПРЕЧКИ ВО РАЗВОЈОТ<br />
Пливањето е одличен спорт за децата со попреченост,<br />
овозможувајќи им истовремено терапија во вода и прилика<br />
за социјализација. Водата ги олеснува движењата на децата<br />
со физички инвалидитет, подобрувајќи им ја моториката, а<br />
згора на тоа делува релаксирачки. Значително ја намалува<br />
вознемиреноста, стресот и депресијата, а ја зголемува<br />
нивната независност и задоволство. Физичката активност<br />
во вода е исто препорачлива и за деца со пречки во видот:<br />
кога се наоѓаат во базен полесно созаваат слика за својата<br />
фигура во просторот користејќи ги нивото на водата или<br />
рабовите на базенот како референтни точки.<br />
ЗАБАВНО Е<br />
Покрај сите придобивки од пливањето за психо-физичкото<br />
здравје на децата, бездруго е одлична забава за целото<br />
семејство и ја отвора вратата кон многу други спортски и<br />
рекреативни активности за кои пливањето е предуслов,<br />
како кајак, нуркање, сурфање и слично, а уште еден плус<br />
е тоа што опремата за пливање чини значително помалку<br />
споредена со други спортови. Затоа, зачувајте ја вашата<br />
физичка форма, набавете гумени мускули за најмалите и<br />
испливајте го заедно ова лето.<br />
89