Create successful ePaper yourself
Turn your PDF publications into a flip-book with our unique Google optimized e-Paper software.
ЖЕНИ-РОМКИ<br />
СО СИЛНА ВОЛЈА<br />
ЗА ПРОМЕНА<br />
Пишува: Марта Таневска<br />
Прашањето за Ромите во македонското општество<br />
секогаш отворало разни теми, како од социјален<br />
аспект, така и од образование, вработување,<br />
домување и здравство, интеграција, граѓанско учество...<br />
Освен тоа, стереотипите и предрасудите што отсекогаш<br />
постоеле за ромската националност, сè уште преовладуваат,<br />
како и перцепцијата за нивниот начин на живот. Меѓутоа,<br />
како што велат активистите од ромска националност, кои<br />
се занимаваат со прашања за правилна интеграција на<br />
Ромите во општеството, многу е поразлична денешната<br />
состојба, каде што сè повеќе се обрнува внимание на<br />
образованието и се менуваат размислувањата. Сепак,<br />
потребна е поголема свест за да се разбијат постојните<br />
стереотипи, да се надмине дискриминацијата, што и<br />
директно и индиректно сè уште е присутна, да се развие<br />
чувството за мултикултурализам и прифаќање на тој што е<br />
поинаков, совладување на социјалните вештини и поголемо<br />
граѓанско учество на Ромите, но и поефективни политики<br />
од страна на институциите за решавање на прашањата<br />
поврзани со вадење на лична документација, невработеност,<br />
образование...<br />
Двете организации, РРОМА и „Сумнал“, што се занимаваат<br />
со различни образовни и општествени активности се водени<br />
од жени од ромска националност, кои со својата упорност<br />
и работа прават промена за младите Роми во општеството,<br />
даваат совети и насоки за формално и неформално<br />
образование, организираат размена на млади, работат на<br />
проекти со институциите, а ги вклучуваат и родителите и<br />
ги поттикнуваат повеќе да се заинтересираат за важноста<br />
од правилно насочување на своите деца и менување на<br />
перцепцијата за животот на Ромите. Даниела Јаневска и<br />
Фатма Бајрам Аземовска и самите се пример за кршење на<br />
стереотипите и секојдневно активно учество за подобра и<br />
посигурна иднина.<br />
ФАТМА БАЈРАМ АЗЕМОВСКА<br />
САМО ПРЕКУ ОБРАЗОВАНИЕТО<br />
МОЖЕ ДА ИМА ИНТЕГРАЛНИ<br />
ПРОМЕНИ<br />
Фатма, вие сте претседател на Здружението за развој на<br />
ромската заедница „Сумнал“, по професија сте педагог<br />
и работите во НУУБ „Св. Климент Охридски“ во Битола, а<br />
истовремено сте и на постдипломски студии на Педагошкиот<br />
факултет „Св. Климент Охридски“. Колку е вашата<br />
професија поврзана со вашата работа во здружението?<br />
„Сумнал“ е организација што настана како резултат на<br />
ентузијазмот на група млади луѓе кои не сакаа да ја<br />
прифатат суровата реалност во која живее ромската<br />
заедница во Македонија. На почетокот водени од високата<br />
мотивираност, мораше да ги зајакнеме сопствените<br />
капацитети, да завршиме со студиите за да можеме да се<br />
посветиме на развојот на ромската заедница. Уште како<br />
студент имав можност да комуницирам со моите професори,<br />
кои покрај формалната настава, ми дадоа и многу насоки<br />
и совети каде треба да ја фокусираме нашата работа, а<br />
тоа е образованието. Нашите проекти произлегуваат од<br />
потребата на заедницата и тие се спроведуваат во соработка<br />
со институциите на системот како дел од стратегиите и<br />
развојните програми на национално ниво.<br />
„Сумнал“ постои од 2004 година и се занимава со помош<br />
во едукација на децата од ромската заедница, различни<br />
образовни и општествени активности... Колку е во денешно<br />
време генерализирана состојбата на Ромите во Македонија?<br />
Дали сè уште е иста перцепцијата за условите на ромската<br />
заедница?<br />
22
Change language