You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Јин-Јанг<br />
БРАНКА КОСТИЌ - МАРКОВИЌ - МУЗИЧКА НОВИНАРКА<br />
НОВИНАРСТВОТО ДЕНЕС<br />
Е ЕНДЕМСКИ ВИД<br />
Македонија ја живее ерата на шизики, а<br />
не на шизици!<br />
Пишува: Ана Јовковска<br />
АЈ: Телевизијата е кутија за...<br />
БКМ: Телевизијата кај нас е кутија доминантно полна со евтина,<br />
но опасна забава, политиканство и продажба на лоша стока.<br />
АЈ: Новинарството денес...<br />
БКМ: Новинарството денес е ендемски вид! Главниот збор го<br />
имаат сензационалистите, скандал-мејкерите и профитерите.<br />
Затоа, пред сите вести треба да се емитува знакот на<br />
предупредување „НЕ е соодветно за гледање за сите возрасти“.<br />
АЈ: Јазикот е бариера за...<br />
БКМ: Јазикот е бариера за сите, но не толкава како религијата и<br />
предрасудите по многу основи.<br />
АЈ: Турбо-фолк е?<br />
БКМ: Турбо-фолк е она што Рамбо Амадеус го дефинираше на крајот<br />
на осумдесеттите години со хируршки прецизна дефиниција: „Турбофолкот<br />
не е музика, турбо-фолкот е какофонија од сите мириси и<br />
вкусови врзани во еден звучен провев што има задача да ги задоволи<br />
најшироките вкусови и најниските страсти“.<br />
АЈ: Најдобар уметнички бренд ни се?<br />
БКМ: Симон Трпчески, Гоце Смилески, Ана Дурловски, Благој<br />
Нацоски и уште неколку други, главно вокални уметници.<br />
АЈ: „Храброста е она што те претвора од набљудувач во учесник“,<br />
Умберто Еко. Храбри мораме да бидеме за?...<br />
БКМ: Мораме да бидеме храбри за да го смениме светот. Само<br />
така можеме да очекуваме подобра иднина и да им погледнеме во<br />
очи на идните генерации. Во спротивно, ќе го спуштаме погледот<br />
и ќе се срамиме пред сопствените деца. Немото набљудување е<br />
„најлузерската“ човекова позиција. Сенека бил во право кога рекол<br />
дека само храбрите се слободни.<br />
АЈ: Летото го користам за?...<br />
БКМ: Летото го користам за уживање во сончевите зраци. Кога е<br />
сончево, сè е поинаку. Грдото е поприфатливо, убавото е двојно<br />
поубаво. Јас сум непоправлив естет и хроничен зависник од<br />
убавината.<br />
АЈ: Да не бев новинарка ќе бев...<br />
БКМ: Да не бев новинарка ќе бев музички публицист, научник,<br />
хроничар на музичките текови, утопист, филантроп. А многу<br />
веројатно и ликовен уметник и писател.<br />
АЈ: Природен дијазепам ми се...<br />
БКМ: Природен дијазепам ми се моите три величествени М – музиката<br />
(мојата професија), Младен (мојот сопруг) и Марко (мојот син).<br />
АЈ: На кој македонски политичар најдобро би му стоеле мустаќите<br />
на Салвадор Дали?<br />
БКМ: За жал, немаме таков шизик во моментов. Македонија сега ја<br />
живее ерата на шизики, а не на шизици! :)<br />
АЈ: Која книга би ја читала повеќе од еднаш?<br />
БКМ: „Пијанистот“ (во оригиналот, а и во македонскиот превод<br />
„Новеченто“) на Алесандро Барико, автор кој е и самиот пијанист и<br />
музички критичар. Маестрално.<br />
АЈ: Кое филмско сценарио најдобро ја отсликува земјава?<br />
БКМ: Тоа би бил еден омнибус од: „Смешната страна на историјата“<br />
од Мел Брукс, „Кум 3“ на Франсис Форд Копола и компилација од<br />
неколку антологиски скечови на монтипајтоновиот летачки циркус,<br />
што за жал се реални сцени од нашиот општествен живот.<br />
АЈ: А музичко дело?<br />
БКМ: Последната „необарокна“ или „неопатриотска“ песна на<br />
македонскиот самонаречен „рок-пророк“ Канго, со наслов „Аманет“,<br />
а субвенционирана од Министерството за култура на Република<br />
Македонија.<br />
АЈ: Сакам да патувам во...<br />
БКМ: Сакам да патувам во Италија. Не џабе се вели: Bella Italia.<br />
АЈ: Кој графит би го напишала во центарот на Скопје?<br />
БКМ: Скопје моли „Не силувај ме, ме боли“, но со големо задоволство<br />
и крајно утопистички би напишала и „Градот убав, пак ќе никне“.<br />
124
Change language