Create successful ePaper yourself
Turn your PDF publications into a flip-book with our unique Google optimized e-Paper software.
НИЗ МОИТЕ 42 ГОДИНИ<br />
НАУЧИВ… ТАЊА КОКЕВ<br />
Десет години да се гради бренд во нашава држава значи...<br />
Пред сѐ љубов, континуирана желба за промени. Од друга<br />
страна, максимална свесност за условите во кои твориш,<br />
постојан баланс помеѓу уметноста и комерцијалата.<br />
Дека македонската модна сцена е... Симпатична девојка<br />
со предиспозиции за раскошна убавица. Но, само ако го<br />
најде кликот, ако работи на себе без импровизации. Ако<br />
новинарите разграничат што е модна куќа, моден дизајнер<br />
од квази-бутици. Ако тоа го поддржат и јавно така го<br />
пласираат ќе видиме колку може да ни биде поубава<br />
модната сцена од моменталнава каша-попара.<br />
Да си синоним за префинет вкус значи... Дека си ја разбрал<br />
реченицата дека убавината почнува оној момент кога си се<br />
засакал себеси, кога ќе сфатиш дека не тераш мода, туку<br />
дека ти си мода. Кога црната ролка ти прилега како на<br />
Одри Хепберн, Грејс Кели или Лорен Хатон.<br />
Да го прошириш својот бизнис и во други држави носи...<br />
Поголема одговорност на прво место, голема желба и<br />
предизвик потиснати од страв, нова енергија, што во овој<br />
период и ми е неопходно.<br />
Секој добар менаџер треба... Пред сѐ, да го почитуваш<br />
своето работно место, да бидеш присутен на работа, да го<br />
почитуваш својот тим. На прво место да ти се вработените,<br />
ако ти си добар со нив, тие ќе бидат одлични со клиентите.<br />
Да избегнувам... Лоши, мрзливи, пасивни и завидливи луѓе.<br />
Енергетски вампири.<br />
Најубаво се чувствувам облечена во... Црна ролка.<br />
Парфемот е клуч на заклучени спомени и затоа... Време е<br />
за нов парфем „Кокев“ и нови спомени.<br />
Научив да се сакам<br />
себеси, компромисите<br />
да ги сведам на минимум<br />
и да бидам храбра да го<br />
применам ова. Научив дека<br />
долгогодишната позиција<br />
на жртва на жената на овие<br />
наши простори е голема<br />
грешка од почеток до крај.<br />
Најдобро го мотивирам својот тим со... Хм... претпоставувам<br />
со мојата ненаметливост, едноставно решив да им верувам<br />
и да не им дишам над глава, што создава слободна,<br />
креативна атмосфера, без притисок. И како екстра<br />
мотивација, дружењата надвор од работното време. Често<br />
одиме во природа, вршникот со нас и подготвуваме едно<br />
албанско, едно македонско јадење.<br />
Да создаваш женски чевли е... Нешто слично како<br />
првичната еуфорија во првата фаза на вљубеност.<br />
Најчесто наоѓам инспирација во... Веќе седум години не<br />
читам книги, ретко гледам филмови. Ми здодеа да читам<br />
туѓи искуства или фантазии. Некако поубави ми се моите<br />
дијалози и средби. Веројатно таму е мојата инспирација,<br />
секако, веднаш по љубовта.<br />
По караница никогаш да не... Држам лутина. Тоа е едно од<br />
поголемите зла што ја уништуваат и најубавата врска.<br />
Да се релаксирам со... Моите другарки. Уживам со нив,<br />
посебно на масажа.<br />
За да се воспита среќно дете најважно е... Да му се даде<br />
целата љубов на овој свет.<br />
Најголем приоритет да ми е... Да ми е живо, здраво и<br />
среќно детето.<br />
Дека секоја жена може да има успешна кариера ако... Не<br />
ѝ се потчини целосно на кариерата. Ако сфати дека има<br />
живот надвор од работното место, ако сфати дека работата<br />
е во служба на нашиот живот, а не обратно, и треба да ни го<br />
олесни и да ни го разубави.<br />
Да се разгалувам со... Добра музика и многу љубов, не ми<br />
одат едно без друго.<br />
Кога сум тажна да... Да ја оставам тагата да си одлежи, да<br />
не ја туркам насила и ќе помине...<br />
Да се надградувам со... Поголемо знаење за како да<br />
израснам навистина среќно дете.<br />
123