Create successful ePaper yourself
Turn your PDF publications into a flip-book with our unique Google optimized e-Paper software.
Ова ви е втора година во Македонија заедно со шведската<br />
амбасада во Скопје. Кои се вашите впечатоци и како ви се<br />
допаѓа македонската национална кујна? Се надевам дека<br />
имавте шанса да пробате некое традиционално јадење?<br />
Секако, шопската салата е мојот фаворит, просто не можам<br />
да престанам да ја јадам (се смее). Доматите се многу вкусни,<br />
но најмногу ми се допаѓаат краставиците, бидејќи обожавам<br />
краставици, а тие во Шведска не се толку вкусни како во<br />
Македонија. Направив и супа од краставици во состав на<br />
Деновите на шведска храна во хотелот „Мериот“, што се<br />
служи ладна, со копар и крем. Навистина излезе многу<br />
вкусна, со прекрасна зелена боја. Вкусот на шведската<br />
храна со локални, домашни состојки.<br />
Дали сакате повеќе да експериментирате со различни<br />
вкусови и состојки или, пак, имате некоја состојка што ја<br />
користите постојано?<br />
Сакам да експериментирам, но секогаш користам лимон.<br />
Обожавам лимон, посебно неговата кора, мошне е сочна и<br />
вкусна, иако не е баш шведска состојка. Исто така, користам<br />
и лук и мајчина душица, што не се баш шведски зачини,<br />
повеќе даваат медитерански вкус. И покрај тоа, сакам да ги<br />
користам, бидејќи можам да ги ставам во сè, било да е месо<br />
или да е риба.<br />
Имате ли учествувано на натпревари по готвење и дали<br />
имате освоено некои награди?<br />
Не сум освоил ништо досега, но бев во полуфинале во трката<br />
за награда Шеф на годината во Шведска. Имам учествувано<br />
исто така со уште еден рецепт на натпревар, меѓутоа тука<br />
запрев. Иако натпреварите се добри и се нешто што ја<br />
води гастрономијата напред, сепак мислам дека премногу<br />
внимание се посветува на нив. Не мора постојано да има<br />
натпревари за тоа кој готви најдобро. Јас сум повеќе за<br />
тоа исто да бидат признаени и тие момци и девојки кои<br />
секојдневно работат во кујна, стојат на нозе по 12 до 14 часа,<br />
тие се вистинските херои за мене.<br />
Кои се вашите идни планови и желби? Дали можеби сакате<br />
да имате сопствен ресторан?<br />
Не сакам да отворам мој ресторан, работев околу 25 години<br />
во ресторани. Мислам дека го живеам мојот сон сега, затоа<br />
што сум бил секаде во светот, оваа година веќе работев во<br />
четири земји. Ако отворам ресторан, веројатно ќе треба и да<br />
спијам таму, бидејќи ако е отворен по цел ден ќе сакам да<br />
бидам таму цело време, да бидам дел од сè, да ги пречекувам<br />
и гостите... Си ја сакам мојата слобода, а и со компанијата<br />
сум како со едната нога на две места. Можам да кажам дека<br />
сум авантурист, сакам да работам на проекти, наместо да<br />
морам да водам ресторан цело време. Сепак, би сакал да<br />
отворам студио, тоа ми е желба, мало место за приватни<br />
седенки до десетина луѓе. Работам и кетеринг, но сакам да го<br />
префрлам во друга фирма што би ја почнал со мој пријател.<br />
Сепак, компанијата „Албректсон Гастрономик“ ќе си остане<br />
во моја сопственост, бидејќи таа е дел од мене како личност.