2009-01

Essen
Em 1900 als „Allhailmeddel“ bekannt, met Doffeln e „Arme -Li -Ässe“
on honnert Joarn schbäer wirre emo als „Delikadesse“ schdark gefrogt sin
d`r H e a r i n g
Dat woar so em 1910 rem, do säde domols det Flug’s Kaddrinche
fa onnerm „Hä“ zo sinnem Änkelche met zemmlich grächzender Schdemm:
„Friedche! Komm! Gear m'r emo nom Schomachersch Fried’r on hoal m’r’n
Salzhearing, ech sin jo so arich ferkält, ech moss obedengt wat d‘rgäje do.“
En Salzhearing woar en d’r domolije Zitt det Allhailmeddel wann m’r’t em Hals
hadde; on d’m Kaddrinche do d’r Hals wane we’. No moss m’r d’rzo noch wesse:
D’r Schomachersch Fried’r hadde onnerm „Hä“ en Lare,
woet fast alles ze kaufe gob, wi dat frejer so woar, on –
d’r Schomachersch Fried’r, dä schdodderte. Hä konn net annerscht.
So geng da det Friedche no äm en d’r Lare, on hä frogde ät:
„Nn-na, ww-wat wett dd-Du da?“ „Dd-de Oo-omma es grank.
Ee-ch ss-sall en Salzhearing hh-hoaln“,
on d’rbi sog dat Glai d’n Fried’r oferwant a.
Hä gob äm da dä Hearing on sät: „Ss-sost noch ww-wat?“
Det Friedche guckde äm emmer noch medde end Gesechde, als ät säde:
„Nn-nä, nn-niks me.“
Nn-n scheane Gg-gros o-och on gg-gore Gesondhait ff-foar dd-de Oo-omma,
schdodderde hä sech zesame. On ät bim Russgo:„Dd-danke!“
D’r Salzhearing hadde geholfe. Det Kaddrinche woar werrer gesond,
on ät geng och sälwer werrer zom Enkaufe.
Sät da d’r Schomachersch Fried’r zo äm als ät en d’r Lare kom:
„Kk-kaddrinche! Oo-ou Glai schsch-schdoddert jo och!“
„En nä, Fried’r! Net darrech wessde.“ „Bb-bi mier aa-awer!“
„Du! Friedche!“,
so schbroch det Kaddrinche bim nächsde Besoch fa däm Glai,
„d’r Schomachersch Fried’r hät met m’r geschwatt.“ „Wadda? Omma!“
„Hä hät gesät: Du schdodderdest och.“ „Mänchmo! Omma!
Ech woll äm doch nur en Gefalln do“, on lesdich fonkelden de Äjjelcher,
alset drbi de Omma ganz oschellich aguckde.
Met arich engegneffenem Mull – wailet sost det Lache net ferbisse konn –
säde det Kaddrinche: „Du best e rechdich glai Schennos!“
genießer-frühstück
belegte brötchen
zum mitnehmen
abwechslungsreicher
mittagstisch
(von 12. 00 -14. 30 uhr)
kaffeespezialitäten
– auch für unterwegs
leckere kuchen nach
hausmacher art
typisches aus dem
siegerland
dienstags - freitags 8. 30 -19 uhr · samstags 9. 30 -19 uhr · sonntags 10 -19 uhr
wir freuen
uns auf Sie : )
Wä no dänkt, det Kaddrinche hädde dä Salzhearing gässe – enä –
ät weckelde sech dä Hearing um d’r Hals, läde sech end Bädde
on hät noch nerremo en Labbe dremgebonne.
On dat woar so!, dänn min Dande Frieda – si es itzend 93 –
di hät domols det Kaddrinche met däm nackelije Hearing em Bädde läjje se.
Gerda Greis
Ulrike Neuhaus
Hagener Str. 15 · 57072 Siegen
Tel.: 0271 2506193
durchblick 1/2009 5