Petitionsbericht 2019
Der Petitionsbericht gibt einen Überblick über die Arbeit des Petitionsausschusses im Sächsischen Landtag im Jahr 2019. Neben den aktuellen Zahlen finden Sie darin Informationen zum Petitionsrecht sowie zu den Mitgliedern des Petitionsausschusses. Das Petitionsrecht gewährt "jedermann" die Möglichkeit, sich mit Bitten und Beschwerden z. B. an die Volksvertretung zu wenden.
Der Petitionsbericht gibt einen Überblick über die Arbeit des Petitionsausschusses im Sächsischen Landtag im Jahr 2019. Neben den aktuellen Zahlen finden Sie darin Informationen zum Petitionsrecht sowie zu den Mitgliedern des Petitionsausschusses. Das Petitionsrecht gewährt "jedermann" die Möglichkeit, sich mit Bitten und Beschwerden z. B. an die Volksvertretung zu wenden.
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
Vorworte | 13<br />
Česćene wobydlerki a česćeni wobydlerjo,<br />
»Kóžda wosoba ma prawo, jednotliwje abo zhromadnje<br />
z druhimi so pisomnje z próstwami abo pohórškami na<br />
přisłušne instancy abo na ludowe zastupnistwo wobroćić.«<br />
Tak steji to w artiklu 35 w 1. sadźe Wustawy Swobodneho<br />
stata Sakskeje.<br />
Tute prawo, so z peticijemi na Sakski krajny sejm wobroćić,<br />
je wysoke kubło. Je tohodla zwjeselace, zo přeco wjace<br />
ludźi srědk peticije za artikulaciju swojich naležnosćow<br />
nałožuje a swoje prawo wužiwa. Ličba peticijow, kotrež<br />
su so na peticiski wuběrk Sakskeho krajneho sejma zapodali,<br />
je w poslednich lětach stupała. Peticije móža być<br />
zmysłapołny instrument, zo by so na politisku naležnosć<br />
słuchało. Petentki a petenća móžeja přez nich kritizowane<br />
a problematizowane njedostatki wujasnić a pruwować dać<br />
a swójske kreatiwne ideje do parlamentariskeje diskusije<br />
přinošować.<br />
Peticiski wuběrk pruwuje kóždu naležnosć, wobhladuje sej<br />
jednotliwy pad a so tež kritisce doprašuje. To je njerědko<br />
z wulkim nałožkom a zadźěłanskim časom do jara wšelakorych<br />
temow a problematiskich situacijow zwjazane.<br />
Čłonojo wuběrka móžeja sej nimo toho z potrjechenymi<br />
na městnje dohlad do wobstejnosćow zdobyć. Naš zaměr<br />
jako čłonojo wuběrka je při tym, jako zetkanišćo mjez<br />
wobydlerstwom a parlamentom fungować, wobydlerkam<br />
a wobydlerjam w ramiku krajnych zakonjow a po prawje<br />
móžneho pomhać a wjace dowěry do demokratije a do<br />
prawniskeho stata zawěsćić.<br />
Zo bychmy po móžnosći wjele ludźi k sobudźěłu animěrowali<br />
a z peticiju tež zaměrnje jednotliwych zamo łwitych<br />
dosćahnyli, móžeja so za zapodaće peticijow wšelake<br />
puće nałožować. Na jednej stronje móžeja so peticije<br />
jako spis formulować a postalisce na peticisku słužbu<br />
Sakskeho krajneho sejma zapósłać, zdruha móže so<br />
online-puć přez domjacu stronu Sakskeho krajneho sejma<br />
wužiwać. Online-peticije su při tym stajnje časćišo wužiwana<br />
forma artikulacije a protesta w digitalnej dobje.<br />
A druhdy pokazuje so, zo so bjeze wšeho wupłaći, so za<br />
wobstejnosćemi wuwoprašować, na problemy a njedostatki<br />
skedźbnjeć a wótře a sebjewědomje změny a polěpšenja<br />
žadać.<br />
Njerědko pak su wočakowanja petentkow a petentow<br />
na peticiski wuběrk jara wysoke a so na kóncu zludaja.<br />
Přetož peticiski wuběrk njemóže žane zakonje změnić<br />
abo sudniske wusudy zběhnyć dać. Tohorunja njemóže<br />
wón do priwatnoprawniskich naležnosćow zasahnyć.<br />
Tak daloko dyrbi so na tutym městnje tež před wopačnymi<br />
a njerealistiskimi wočakowanjemi warnować. A tež hdyž<br />
njemóže so z teje přičiny kóždej peticiji wotpomhać,<br />
su peticije přiwšěm wuznamny srědk direktneho demokratiskeho<br />
wobdźělenja, wone pokazuja na njedostatki<br />
a su z tym wažny korektiw a dodawaja hódne nastorki<br />
za praktikowanje politiki.<br />
Jako dowěrnica frakcije LĚWICA chcu Was tuž pohnuwać,<br />
swoje prawo wužiwać: njech je to z peticijemi w komunach,<br />
w gmejnskej abo měšćanskej radźe, w Swobodnym<br />
staće Sakskej při peticiskim wuběrku Sakskeho krajneho<br />
sejma abo na zwjazkowej runinje při peticiskim wuběrku<br />
w Zwjazkowym sejmje. Njedajće so wot zdźěla z dołhimi<br />
wobdźěłanskimi časami zwjazaneho, dokładneho pruwowanja<br />
swojeje naležnosće wottrašić a měšejće so do<br />
politiki, zo móhła so politika wot po móžnosći mnohich<br />
ludźi sobu tworić.<br />
Waša<br />
Marika Tändler-Walenta<br />
čłonka krajneho sejma
Change language