Gyöngyösi Gergely OSPPE: Epitoma és Directorium

46
reddant conversis, si assunt aut aliis. Libros cantuum is elevet ad pulpitum, qui
fuerit iunior inter choratores, senior debet cantum inchoare. Si ebdomadarius
absens fuerit a choro, tunc vices suas exsequi habebunt hii, qui proximiores sunt
ab ante, sicut econtra historiam absentis continuare habent posteriores a retro
5 viciniores. Quando celebrando missas debebunt elevare sacramentum calicis,
ambabus manibus iuxta modum ordinis nostri in fundo teneant et non more secularium,
qui una manu tenent fundum, altera umbilicum sero medium calicis.
Quando sunt ebdomadarii, missam conventualem legendo satis alte proferant
verba, ut possint audiri. Missas tamen peculiares non est opus pronunciare, nisi
10 propter circunstantes volentes audire. Candelas in absconsorio non permittant
fumigare, sed penitus extinguant in fine officiorum. Dum autem accendunt, bene
respiciant, ne radius lucis aliquem impediat. Semper cantabunt mediocriter, et
dum cantant orationes seu capitula aut evangelia tritonum non excedant, sed
sic pronuncient [***], dum autem iniciant, sic dicant *** et non sic ***, nec sic
15 ***.
Secundo circa mensam
Postquam signatum fuerit ad refectionem, sese induant mantello decenter,
et ingressi ad locum prandii vel cene, caput inclinent conventui. Deinde loti sedeant
in silentio tamdiu || donec prelatus steterit ad ’Benedicite’, quod si illo 15r
20 die aliquas culpas commisissent, petant flexis genibus veniam a prelato. Dicto
’Benedicite’ complicent mantellum super se, et sedeant infra discum et panem
preparatum in loco eis assignato. Non se constringant, ut non possint excreare.
Licet apponantur fercula, tamen non comedant, donec prelatus fecerit signum
super mensam. Non faciant sibi multas offas seu bolos. Non effundant se super
25 escas, sed cum timore Dei comedant de cibis appositis quantuncunque grossis
prout eis sufficit. Caveant, ne aut mensale, aut manutergium, aut manus
coinquinent cum brodiis. Et si quid fuerit appositum, quod non consueverant
in seculo comedere, asuescant. Sacram lectionem audiant attente. Recogitent,
quod forsan ex omni labore illius diei non mererentur panem quantominus tot
30 fercula. Vinum temperent aqua, si non fuerit temperatum. Si indiguerint aliquibus
rebus, petant non voce, sed signis. Si volunt aquam, demonstrent ciphum,
si aceto indiguerint, manum vertant in modum fundentis liquorem, sal petant
duobus digitis eos lapsando, panem vero quando voluerint, cultro scindant aut
porciunculam panis ostentent. Pro caseo fodiant aerem cultro, pro libro palmas
35 extensas contrahant et contractas extendant. Fragmenta ponant in scutellas servitoris
absque sonitu. Postquam exhauserint fercula, non sorbeant iura, neque
postea ructent ebriosi. Postea vacuam scutellam removeant a se. Oculos non volvant
huc atque illuc. Nec considerent escas vel portiones sedentis penes se. Circa
finem mense vel quando placuerit prelato loqui, eius verba vel signa omnimode
40 attendant, nec tamen loquantur, nisi interrogati. Manuter||gia convolvant prout 15v
viderint ab aliis, non tamen aliter, nisi prelatus incipiat. Surgentes stent ad gratias,
quibus finitis cum processione vadant ad ecclesiam peracto prandio. Socium
collateralem attendant, ne precedant, nec poscedant. Finita vero cena semper
vadant ad oratorium ad gratias agendum, deinde exeuntes possunt colloqui cum
30 temperent] temperet RBp