Simmentaler Joernaal 2013.indb

Simmentaler - Feed the World
Oorsig | Overview
8
2013 – ’n Jaar van uitdagings?
Kobus Bester - President Simmentaler / Simbra Genootskap
Dankie vir die moeite wat u doen om hierdie publikasie te lees, en baie geluk
met u keuse van leesstof. Ek vetrou dat u die inhoud van hierdie joernaal wat
met trots saamgestel is terdeë sal geniet, en dat dit nie net vir u ’n aangename
ervaring sal wees nie, maar ’n interessante, leersame en bemoedigende belewenis.
Met hierdie skrywe word daar nie gepoog om ’n
jaarverslag aan u voor te hou nie, maar eerder om ’n
perspektief te plaas op dit waarop ons as Simmentaler
telers in die Rooivleisbedryf moet fokus. Dikwels word
negatiewe omstandighede in die ekonomiese, politieke
en sosiale bestel gesien as probleme. Wat egter van baie
groot belang is, is nie net om probleme raak te sien nie,
maar die potensieel negatiewe impak daarvan te kan
identifiseer, en dan u self so te posisioneer om hierdie
uitdaging wat dit bied suksesvol die hoof te kan bied.
Die samestelling en verantwoordelikhede van hierdie
Genootskap staar self ’n hele paar uitdagings in
die gesig. Om mee te begin is hierdie Genootskap
verantwoordelike vir die voortgesette uitbou, ontwikkeling
en bevordering van twee verskillende rasse, en het die
vermoë om ’n diens as registrerende owerheid aan
ander rasse te lewer. Enige suksesvolle besigheid
of organisasie is egter eers werklik suksesvol, as
daardie instansie ’n volhoubare diens of produk tot
bevrediging van sy lede of kliënte lewer. Dit is hier waar
die Genootskap se uitdaging lê. Hierdie Genootskap
moet ’n diens van hoogstaande gehalte aan twee rasse
lewer tot bevrediging van sy lede, en met die gepaste
verantwoordelikheid en pligsbesef wat verwag kan word
van ’n toonaangewende rolspeler in die Rooivleisbedryf
in Suidelike Afrika. Dit is belangrik om daarop te let dat
die twee rasse wat deur hierdie Genootskap gedien word
konkurente van mekaar is, en die feit dat soveel telers wat
lede van hierdie Genootskap is met beide die rasse boer,
bevestig dat die rasse wel kompetisie vir mekaar is of
kan wees in sekere omstandighede. Wat egter van baie
groot belang is, is om te besef dat beide hierdie rasse
bestaansreg het, oor unieke en gesogte eienskappe
beskik wat verder nagevors en ontwikkel behoort te word
tot voordeel van die gebruiker daarvan.
So ver bekend is die eerste Simmentalers in Namibië
alreeds in 1893 gevestig, en die feit dat Simmentaler
steeds ’n suksesvolle ras is in die ekstensiewe toestande
waaronder daar in Namibië geboer word, besweer talle
uitsprake oor die Simmentaler se gehardheid. In 1905 is
die eerste Simmentalers na Suid-Afrika ingevoer, en was
die ras so suksesvol, dat Simmentaler telers van Suid-
Kobus Bester
Afrika en Namibië in 1964 besluit het om die Simmentaler
Genootskap van Suidelike Afrika te stig. Danksy puik
bestuur onder leiding van Mnr Peter Massmann, die
Genootskap se personeel en verskeie ander Raadslede,
telers en ander rolspelers is die Simmentaler vandag
nie net ’n puik ras nie, maar word die diere gerugsteun
deur behoorlike rekords wat betref stambome en ander
prestasie data.
Wêreldwye databasis kan die effektiwiteit
van die wetenskap verder verhoog
Die gehalte van die Simmentaler in Suidelike Afrika was
gou deur ander telers in die wêreld raak gesien, en hulle
het planne gemaak om van hierdie genetika te bekom,
en vandag is daar talle nasate van Simmentalers wat
oorspronklik geteel is in die suide van Afrika oor die
wêreld versprei. Hierdie is nie net ’n noemenswaardige
feit nie, maar dit ontsluit talle moontlikhede vir die
voortgesette ontwikkeling van die Simmentaler op ’n
wetenskaplike basis. Hier word spesifiek verwys na die
potensiaal wat opgesluit lê in genomika. As gevolg van