Simmentaler Joernaal 2013.indb

Simmentaler - Feed the World
Wetenskaplik | Scientific
66
Dr Vlok Ferreira
Berei speenkalwers reg voor
vir die voerkraal
“BACKGROUNDING” van kalwers is die uitgroei van kalwers op veld of dröeland
aangeplante weidings, asook die voorbereiding van kalwers vir maklike aanpassing in
die voerkraal daarna.
Die speenkalwers word reeds op die weidings geprosesseer
met die nodige oor inplantaat en teen virus en
bakteriese voerkraalsiektes ge-ent. Die kalwers leer om
voer uit ’n krip te vreet. Kalwers wat vir minstens 45 dae
voorberei word vir die voerkraal se siekte weerstand
is baie beter, stress minder en hul rumens is reeds
aangepas om produksie verliese te beperk.
Backgrounding is veral voordelig:
• Wanneer voldoende weiding beskikbaar is en die boer
meer buigbaarheid in sy stelsel wil hê met wanneer
kalwers bemark kan word.
• Wanneer voerpryse hoog is en die karkas pryse is laag.
• Wanneer voerkraal aankoop pryse by boere van
speenkalwers laag is.
Kalwers van 160 – 250 kg liggaamsmassa kan eers
gebackground word voordat dit in die voerkraal afgerond
word. Boere moet waak teen die aankoop van baie ligte
kalwers, omdat ’n kalf ligter as 200 kg stadiger groei
tydens backgrounding en meer vatbaar is vir siektes.
Die ligte kalwers van ’n groep kan ook ’n swakker groei
potensiaal hê. ’n Vroeg ryp tipe kalf kan vir ’n lang
periode op die weiding uitgegroei word en dan net vir
’n 40 – 60 dae periode in voerkraal afgerond word om
die regte vetheidsgraad te bereik. Medium tot laat ryp
tipe kalwers benodig groter hoeveelhede aanvullende
voeding om dieselfde raamgroei te verseker. Hoe
langer die backgrounding periode hoe swaarder sal
die karkasse wees na die voerkraal afronding, veral as
Zilmax ook nog in die voerkraal gebruik word. Wanneer
kalwers tussen 350 – 380 kg weeg is dit ideal om hul vir
’n kort voer periode in die voerkraal te plaas.
Kalwers se weidings inname is 2.2% en 1.8% van
liggaamsmassa onderskeidelik op groen somer veld
en dröe winters veld. Die kwaliteit van die weiding is
die belangrikste faktor wat kalwers se groei prestasie
tydens backgrounding bepaal. ’n Verlaging van 1.5 MJ
metaboliseerbare energie/kg weiding en ’n 10% styging
in die NDF% (vesel) wat die kalf vreet het ’n daling in GDT
van 400 - 600g/dag tot gevolg. Beperk die mielie/hominy
chop inname van kalwers tot maksimum 1%, anders
daal die rumen pH, weidings vertering verswak en die
aanvulling verminder weidings inname. Op groen somer
weidings kan ’n GDT van 800 – 1200 g/kalf/dag behaal
word met ’n aanvulling van 0.75% van liggaamsmassa.
Om dieselfde groeitempo te handhaaf op winter weidings
moet die aanvullende voeding na minstens 1.5% van
liggaamsmassa verhoog word.
Ge-oesde mielielande waarvan die koppe nie opgetel is
nie kan ook met sukses vir backgrounding aangewend
word. ’n Veelading van vier tot ses 220 kg kalwers/ha
verseker dat die beter kwaliteit ruvoer geselekteer word.
Die mielie pitte, koppe en plant blare verteenwoordig
40% van die totale beweibare material. Die blare en stam
is onderskeidelik 67% en 45% verteerbaar.
Molatek Background 18 kan teen 1.5 tot 2.0 kg/dag aan
speenkalwers vir uitgroei en voorbereiding vir die voerkraal
afrondings fase verskaf word. Indien die kwaliteit van die
weiding nie optimaal is nie of verhoogde massa toenames
wil behaal word, vermeng Molatek Background 18 met
gelyke hoeveelhede graan en verskaf teen 2 tot 4 kg/dag.
Inname sal ook varieer afhangende van die massa van
die diere. Verskaf daagliks of dubbelporsie elke tweede
dag aan die diere.
Dr Vlok Ferreira
Nasionale Tegniese
Bestuurder, Molatek,
Posbus 47, Malelane 1320
Epos adres:
ferreirav@tsb.co.za