Simmentaler Joernaal 2013.indb

Simmentaler - Feed the World
Internasionale Publisiteit | International Hybe
12
WSFF-Kongres 2012 - Duitsland
Dr. Johan Kluyts
Ek was weereens in die bevoorregte posisie om Suid Afrika by die World Simmental
Fleckvieh Federation se kongres, te verteenwoordig. Hierdie, die 19de kongres van
die WSFF, het plaasgevind in en om Landshut, Bavaria. Vir my het die kongres
begin op Dinsdag die agtiende September met ’n lang oornag vlug van Johannesburg na
München en van daar na Landshut.
Landshut, met ongeveer 62 000 inwoners, is geleë
op die walle van die Izar-rivier, en veral bekend vir die
Altstadt (ou-dorp) wat reeds in 1203 gevestig is en die
St. Martins katedraal wat die hoogste steengeboude
kerktoring in die wêreld het. Woensdagaand was
die verwelkomingsfunksie gehou in die middeleeuse
Rathaus (raadsaal) in Altstadt en dit was wonderlik om
weer al die vriende van oor die hele wêreld te ontmoet
en die beste bier wat in die omgewing gebrou word te
kon proe.
Donderdag het ons die K.I. stasie te Neustadt a.d. Aisch
besoek. Hierdie stasie het 174 werknemers, ’n plaas
oppervlakte van 270 ha waarvan 190 bewerkbaar en 80
grasweiding is en 550 K.I. bulle waarvan 220 in Neustadt
self staan. Dit word beskou as die wêreld se grootste
Simmental/Fleckvieh K.I. stasie en is lid van Eurogenetik,
die wêreld se grootste inseminasie unie/vereniging.
Na die indrukwekkende bulparade en ’n tradisionele
middagete het ons die plaas van Arnold R.U.G. GBR
besoek. Die plaas, wat geleë is in die landelike omgewing
Skou in München - let op touleierdrag