Simmentaler Joernaal 2013.indb

Simmentaler - Feed the World
Internasionale Publisiteit | International Hybe
30
Simmentalers in die vreemde
Albert Loubser
Een van die mees besondere kwaliteite van die Simmentalerras is die wye verspreiding daarvan regoor
die wêreld. In elke betekenisvolle vleisproduserende land in die wêreld is daar Simmentalers. Maar
selfs met die wete, verras die ras jou telkens met waar dit nog opduik!
Met ’n 2009-besoek aan die Mambila-hooglande in
Nigerië het ek so ’n aangename verrassing gehad.
Ek was besig met ’n konsultasieprojek vir ’n kliënt wat
’n suiwelaanleg in Nigerië wou vestig. Die Mambilahooglande
is ’n bekende veestreek in Afrika wat strek van
sentraal-Kameroen tot sentraal-Nigerië, en was dus die
ideale plek om so ’n projek te vestig.
Die klimaat is vergelykbaar met die Suid-Afrikaanse
Hoëveld. Wat omstandighede in die gebied egter baie
Die gemeenskap aan
wie die beeste behoort en
wat verantwoordelik is vir
hul versorging, hier saam
met Albert Loubser,
redakteur van Veeplaas
moeilik maak, is die hoë voorkoms van elke denkbare
siekte en plaag. Boonop is die boerderypraktyke daar
baie primitief. Die plaaslike nomadiese veeboere boer
met hulle vee soos dit die laaste 500 jaar gedoen
is en boer met beeste wat onveranderd geteel is vir
waarskynlik dieselfde periode.
In die vroeë 2000’s het ’n Ierse hulporganisasie betrokke
geraak by ’n kruisteelprogram in die gebied. Hulle het
Simmentalers van Ierland af ingebring en het die program
vir ongeveer vyf jaar bestuur voordat hulle onttrek het.
Ten tyde van my besoek het die projek al drie jaar op sy
eie voete gestaan.
Die Simmentaler is gewild in kruisteelprogramme in
Nigerië. Nigeriërs verwys na die ras as ‘Simmental’. Peste
en siektes soos bosluise, bek-en-klouseer, tsetsevlieg en
elke denkbare siekte wat op die kontinent voorkom, is in
Nigerië teenwoordig. Daar is geen somer en winter nie,
want die land lê op die ewenaar. Daar is egter ’n droë
seisoen waartydens reënval vir ongeveer vier tot ses
maande ophou. Dit word gevolg deur ’n reënseisoen
met reënval wat wissel van 2 500 mm in die suide in die
woude tot minder as 300 mm per jaar in die noordelike
woestyn. Nigerië is beslis nie ’n land vir beeste met sagte
hoewe nie ...
Die ras wat die meeste in die streek voorkom, word algemeen
na verwys as die ‘Rooi Fulani’. Die regte naam is egter
Mbororo. Dit is ’n inheemse ras wat in noord-Nigerië, Tsjad en
Soedan voorkom. Dit is ’n rankerige bees, hoog op die been
en besonder goed aangepas in die woestyngebiede van Afrika
Hierdie Simmentaler-bul verdien ’n medalje vir die wyse
waarop hy die ras se naam hoog hou. Soos hy hier staan,
herstel hy van sy tweede bek-en-klouseer-aandoening. Hy
oorleef al bykans drie jaar sonder enige veeartsbehandeling
of spesialis-aandag
Hierdie vers is ’n F1-kruis tussen die Simmentaler en Mbororo.
Haar kondisie is nie goed nie, maar die foto is geneem aan die
einde van die droë seisoen. Die kruisings doen oor die algemeen
baie beter as die suiwer Simmentalers in die harde omgewing,
maar oortref die Mbororo totaal in terme van produksie