Simmentaler Joernaal 2013.indb

Die ingang na die plaas, Eden. In die agtergrond, onder
die Bank Windhoek-gazebo, vergadering die telers.
Van links is Salmon en Sara !Nakhom, Arabien en Ruben
Nadshahen, Martin Sedres en Stoffel Oberholzer.
Stoffel se ponie, Smokey, is geleer om agterop die bakkie
te spring en saam te ry kamp toe, waar hy dan afgelaai word
en help om skaap bymekaar te maak. Smokey was maar drie
dae oud toe sy ma gevrek het. Hy is hans grootgemaak en
Stoffel se kleindogter, Romé, het hom ingebreek. “My oupa
het my uitgedaag en gesê ek sal hom nie kan inbreek nie.
Die tooms en saals was te groot en ek en Salmon moes hom
bloots met net ’n halter ry. Hy sou jou knieë byt om jou te
probeer aftrek of plat op sy agterstewe gaan sit of gaan lê en
jou probeer afrol. Vandag is hy dierbaar, maar hy was baie
hans toe hy jonger was,” vertel sy.
die grootte van die diere bespreek. Stoffel sê hy verkies
’n mediumraam bees en vertel van sy waardering vir ’n
mooi Simmentaler-koei met ’n perfekte uier. Die telers
was ooglopend beïndruk met die diere. Soveel so dat
hulle hardop gewonder het of hulle die jong bul nie maar
gou daar en dan kon opveil nie.
Toe hy sy sewentig jaar oue perdekar uit die waenhuis
laat trek het om te wys dat dié karretjie nog sy
oorspronklike vernis op het, het een boer opgelet dat
daar nie ’n enkele olie- of diesel-kol op die vloer was nie.
Hy merk toe op dat Stoffel ’n agtermekaar boer is en vra
spottend hoekom hulle nie so ’n bietjie op die vloer mors
nie. “Nee, ek hou nie daarvan nie. Nou die dag het ek
self op die vloer gemors, toe maak ek dit ook self skoon,”
was Stoffel se antwoord.
Ná die besprekings by die kraal is daar vir middagete
gebreek. Marthina se dogter Eldia en kleindogter, Romé,
en Miempie het vir ’n heerlike middagete gesorg terwyl sy
skoonseun, Riaan van Rooyen, ure lank saam met Peter
die aand se ete op die spitbraai opgepas het. Stoffel se
ander dogter, Hester en haar man, Danie kon die dag
weens ander omstandighede nie bywoon nie.
Ná middagete is ’n informele vergadering gehou. Van
die onderwerpe wat bespreek is, was die behoefte
vir wyer bewusmaking van die Simmentaler-ras. Een
moontlikheid is om ’n raspromosiedag te hou met die
spesifieke doel om meer kommersiële produsente
daarheen te lok. Die vergadering het ook die potensiaal
van die Simmentaler-ras in die gebruik van kruisteling
bespreek en saamgestem dat hul bemarkingsaktiwiteite
hoofsaaklik hierop gebaseer behoort te word.
Die groep het laat namiddag ’n draai op Stoffel se plaas
gaan ry, waarna die dag met ’n gesellige kuier om die
vuur afgesluit is.
Bertus Walters,
dr. Otto Herrigel,
Reinie Rusch, dr.
Kaere Mbeunde en
Dewald Walters het
een ding gemeen
en dit is ’n sagte
plekkie vir die
Simmentaler-ras.
Die telers was
ooglopend beïndruk
met Stoffel se diere
en wou gehad het
dat die jong bul regs
sommer daar en
dan opgeveil moes
word.
Kaspar Günzel
en sy seun, Friedhelm,
en Armin en
Ulla van Biljoen
het al die pad van
Grootfontein af gery
om die dag by te
woon, terwyl Marnus
van Zyl sommer met
sy Cessna 210 kom
kuier het.
37