Simmentaler Joernaal 2013.indb

Simmentaler - Feed the World
Oorsig | Overview
10
dan die ware en akkurate feite hieromtrent nie net met
mekaar te deel nie, maar om daadwerklik ’n doelgerigte
plan te hê ten einde ons potensiële kliëntebasis in te lig
oor die winsgewendheidseienskappe van hierdie ras,
met die doel om die ras se tevrede kliëntebasis verder te
verbreed. Elke beesboer boer graag met die ras waarvan
hy hou, maar met al die uitdagings waaronder vandag
geboer word, is dit belangrik om met ’n winsgewende
ras te boer – die beesboer kan dus ’n keuse uitoefen
oor waarmee hy boer. Dus is dit belangrik dat ons nie
net Simmentalers as sulks bemark nie, maar dat ons die
wetenskaplik bewese winsgewendheidseienskappe met
geloofwaardigheid uitdra en propageer sodat beesboere
nie net keuses kan uitoefen nie, maar die regte keuse
op grond van akkurate betroubare inligting ten
einde sy suksesvolle voortbestaan te bevorder.
Wees aanpasbaar
Soos wat tye verander het, kan ons ook sien dat
die beeste waarmee ons vandag boer ook nie meer
dieselfde lyk as wat meer as ’n honderd jaar gelede
ingevoer is nie – talle fotos van kampioene en ander
beeste oor die jare, asook die prestasie data van ons
diere bewys dit. Die rede is dat ons diere geteel het wat
aangepas het – hulle moes aanpas om te oorleef, nie
omdat hulle wou nie, maar omdat omstandighede dit
vereis het. Ongelukkig het die omgewing waar binne ons
Genootskap funksioneer ook verander, en sal dit ook hier
nie noodwendig die grootste of sterkste een wees wat
oorleef nie, maar die een wat aangepas het. Aanpassing
beteken egter nie dat daar roekeloos gehandel moet
word en sekere tradisies en bewese gebruike oor boord
gegooi moet word nie. Dit gaan daaroor dat die wat, hoe
en hoekom ons doen wat ons doen gebaseer moet wees
op suiwer besigheidsbeginsels ten einde die doelwitte
wat ons vir ons as telers en vir die ras gestel het te
verwesenlik. In kort, ons moet doen wat ons moet doen
ten einde nie net voort te bestaan nie, maar ons moet
ons lede se belange op so ’n wyse dien dat dit tot hul
In 2014 sal hierdie
Genootskap die
voorreg hê om sy
vyftigste bestaansjaar
te vier.
voordeel sal wees – dus nie net fokus op oorlewing nie,
maar op groei en uitbreiding.
Gevolglik staar ons as Raad van hierdie Genootskap
verskeie uitdagings in die gesig. Om maar net ’n paar te
noem, moet ons verseker dat ons:
• die verlangde diensleweringsvlakke aan ons lede
handhaaf,
• diere se stamboom inligting akkuraat en betroubaar is,
• rasse op wetenskaplike en ekonomies relevante wyse
verder ontwikkel word,
• voldoende opleiding verskaf aan ons personeel, telers
en die breër beesbedryf,
• in voeling bly met nie net die volgende verbruiker van
ons produk (bv voerkraal) nie, maar tot by die tevrede
eindverbruiker – die persoon wat vleis eet,
• ’n volhoubare raspromosieprogram moet volg ten
einde die vraag na Simmentalers te stimuleer –
vergroot ons markaandeel
• al bogenoemde op ’n koste doeltreffende wyse doen.
Dit gaan dus onafwendbaar wees om in die verwesenliking
van bogenoemde aspekte sekere veranderinge of
aanpassings te maak. Dit is belangrik om te besef
dat daar ’n groter geheelbeeld is waarna gekyk word.
Wanneer daar byvoorbeeld na alternatiewe werkswyses,
metodiek en strukture gekyk word, is dit nie net met
die oog op veranderinge nie, maar met die oog op
doelgerigte verbeteringe ten einde te verseker dat ons
op koste effektiewe wyse steeds in die verwesenliking
van ons doelwitte sal slaag. Hier word egter nie net van ’n
gebeurtenis gepraat nie, maar van ’n proses wat gevolg
gaan word, wat oor tyd geïmplimenteer gaan word, wat nie
noodwendig dadelik gaan werk nie, maar wat doelgerig
bestuur gaan word ten einde sukses te verseker.
Raak betrokke
Voor die 2012 Algemene Jaarvergadering het die
Simmentaler telers ’n telersvergadering gehou. Ek glo dit
was ’n aanduiding van die telers se positiewe gesindheid
en bereidwilligheid om mee te werk aan die volgehoue
uitbouing en ontwikkeling van die Simmentaler ras en die
bevordering van Simmentaler belange. Hierdie is ’n lede
gedrewe organisasie, en dit is van grootse belang dat so
veel as moontlik telers en belanghebbendes op ordelik
gestruktureerde wyse sal poog om ’n opbouende bydrae
te lewer en hulle ook sal verbind tot die uitdaging om die
ras se ideale te verwesenlik. Die effektiewe funksionering
van klubs en studiegroepe met aktiewe deelname deur
so veel as moontlik telers sal ’n reuse bydrae lewer in
die daarstel van doelwitte, effektiewe kommunikasie,
sigbaarheid en die doelgerigte promovering van die ras
op grondvlak – daar waar ons eintlike teikenmark, die
kommersiële boer is.
2014 – 50 Jaar oud
In 2014 sal hierdie Genootskap die voorreg hê om sy
vyftigste bestaansjaar te vier. Daar is al reeds begin met
die beplanning van sekere geleenthede ter viering van
hierdie besondere mylpaal. Ek is daarvan oortuig dat ook
hierdie uitdaging met groot sukses hanteer sal word ter
bevordering van die Simmentaler ras, en met die gepaste
erkenning teenoor die wie ’n bydrae gelewer het tot die
uitbou en ontwikkeling van hierdie wonderlike ras.
Ter afsluiting
Identifiseer die uitdaging in die bedryf waarvoor u kans
sien. Skakel in by ’n klub of studiegroep en wees deel
van die oplossing. Bepaal wat die behoefte van ons
teikenmark is, en maak seker dat ons ’n produk gaan
voorsien wat konstant daardie behoefte bevredigend
sal aanspreek. Maak gebruik van wetenskaplik bewese
tegnieke en hulpmiddels om ekonomies relevante
uitdagings (teeldoelwitte) aan te pak. Kommunikeer
bewese feite aan die mark en lig hul in omtrent die
voordele wat hierdie moderne ekonomies relevante ras
met die roemryke geskiedenis hul bied.
Wees positief, identifiseer die uitdaging en wees deel van
die oplossing.