Simmentaler Joernaal 2013.indb

Suksesvolle beginnerskursus
aangebied te Middelburg Hoërskool (Mphumalanga)
Willie O’Brien
12 & 13 April 2012 was weereens ’n groot geleentheid vir die landbou leerlinge van die
Hoërskool Middelburg toe die Simmentaler beginnerkursus by die skool se proefplaas
aangebied is.
Vanjaar was daar ’n beduidende belangstelling van die
plaaslike boeregemeenskap en ook vanuit die Bosveld
(Baltimore omgewing). Nie minder nie as 11 opkomende
boere van so ver as Hendrina, Delmas, Standerton en
Witbank het ook die kursus bygewoon.
Die groep het bestaan uit 42 studente waarvan 5 met
A-simbole en 36 met B-simbole geslaag het.
Die studente het die twee dae van hoofsaaklik praktiese
werk met die beeste baie geniet en net met lof gepraat
van hoe leersaam dit was. ’n Paar van die Wensim
Simmentaler diere was as demonstrasie-diere by die
skoolplaas gebruik en die meeste van die tyd was die
studente besig met praktiese beoordeling by Stefaans
Botha (Jors Simmentalers).
Ian Currin, Willem Volschenk en Willie O’Brien het as
kursusleiers ook met lof gepraat van die hoë standaard
van beoordelaarsbesprekings van die studente se kant.
Sommige van die studente het met soveel selfvertroue en
akkuraatheid die besprekings gedoen, dat ’n mens byna
kon sê dat hulle ou beoordelaars is.
Hierdie is een van die pogings van die Simmentaler en
Simbra telersgenootskap, met die ondersteuning van
Prosim studiegroep, om die rasse bekend te stel en
ook die landbou gemeenskap te dien met praktiese
opleiding.
Stiaan, Dean en Renier van Middelburg Hoërskool
besig met praktiese beoordeling
173