Simmentaler Joernaal 2013.indb

’n Dieët met ’n hoë inhoud van proteïen bevat baie
proteïen-ryke kos soos maer vleis, pluimvee, vis, eiers
en lae-vet suiwelprodukte. Bone en neute bevat ook hoë
vlakke van proteïen.
Kinders
Altesaam 827 kinders het aan die studie deelgeneem.
Van hulle is daar nie verwag om aan ’n dieët vir
gewigsverlies deel te neem of om kalorieë te tel nie,
hulle het bloot dieselfde kos as hul ouers geëet, wat ook
aan die studie deelgeneem het. Ongeveer 45% van die
kinders in die betrokke families was oorgewig.
In die groep kinders wat ’n hoë proteïen/lae GI-dieët
gevolg het, het die voorkoms van oorgewig spontaan met
ongeveer 15% in net ses maande gedaal. Dit bewys dat
vetsug in kinders verhoed kan word, deur die eetplan wat
in die huishouding gevolg word, net ietwat aan te pas.
Suid-Afrika
Professor Hettie Schönfeldt van die Skaapvleisbemarkingsforum
sê die uitslag van dié studie is in lyn
met die nuutste navorsing wat in Suid-Afrika op rooivleis
gedoen is. Dit het die volgende bevind:
Suid-Afrikaanse rooivleis is ’n hoë gehalte-proteïen wat
al die noodsaaklike aminosure verskaf. Dit is nodig vir
groei, beheer en instandhouding van liggaamsweefsels
en –funksies. Dit help om bloeddruk te verlaag en help
met gewigsbeheer omdat dit ’n mens langer versadig
laat voel.
Rooivleis help om bloedsuikervlakke te reguleer en bevat
natuurlike anti-oksidante en goeie vetsure (omega 3- en
omega-6 vetsure). Verder is Suid-Afrikaanse rooivleis
ryk in verskeie minerale, soos yster, sink, magnesium en
selenium, sowel as vitamiene B1, B2, B3, B6 en B12.
Vir meer inligting en resepte kontak
Prof Hettie Schönfeldt van die Skaapvleisbemarkingsforum
by info@healthymeat.co.za of besoek
www.healhtymeat.co.za.
83