Simmentaler Joernaal 2013.indb

Simmentaler - Feed the World
Internasionale Publisiteit | International Hybe
44
Die jong bul van Stoffel wat groot belangstelling
onder sy gaste ontlok het.
Die ritse pryse en toekennings wat Stoffel Oberholzer as skouvertoner in
Windhoek en op Gobabis en Otjiwarongo verower het. Hy was ’n teler van
kampioene en pryse vir reserwe-kampioene is yl gesaai. Al skou hy nie meer
nie, bly sy Simmentalers baie gesog onder kopers – selfs in Suid-Afrika.
luiperdprobleem, met dié roofdiere wat soms op ’n
wildplaas ontsnap en dan onder sy kalwers inklim. “Ek
verloor tot vier kalwers per jaar op dié manier.”
Voeding en weiding
Die omgewing se gemiddelde reënval wissel tussen
250 en 400 mm per jaar en wat die weiding en die
voedingswaarde daarvan betref, het hy oor die algemeen
nie probleme nie. Die weiding bestaan hoofsaaklik uit
blinkhaar-, suur- en Boesman-grasse. Daar is ook ’n
verskeidenheid bosse waaraan die skaap vreet soos haaken
driedoringbosse, terwyl die beeste die witgatbome
se lekker sagte lote verkies. Kameeldoringbome is ook
volop en dié peule bied addissionele voeding vir beeste.
’n Peul se voedingwaarde is gelykstaande aan dié van ’n
mieliepit,” sê hy.
Benewens die mooi weiding het Eden ook sterk water.
“Ek is baie gelukkig, Eden se water is gesond.”
Soos baie ander Namibiese boere gebruik Stoffel al
die jare nog Voermeester se produkte. “Die gras hier
is baie anders as in die noorde en ek hoef nie baie
lek te gee nie, maar in die droë maande sit ek Eco-
Grasveldlek vir die bees uit vir hul onderhoudsbehoeftes
en om massaverlies te beperk. Die skaap kry die
klaargemengde Dorperlek in die winter. Lek is goud werd
vir die boer, veral in droogtetye. Met die groot droogte in
die negentigerjare, toe ons vir vier agtereenvolgende jare
geen reën gehad het nie, het ek my diere op Voermeester
se lekprodukte deurgetrek.”
Om sy lammers vir die mark af te rond gebruik hy
Volledige Skaapafrondkorrels en Veekos Breker 12. Toe
hy nog geskou het, het hy sy bees met Veldafrondkorrels
gevoer.
Top-skouvertoner op sy dag
Op sy dag het Stoffel groot geskou, maar in 1993, toe die
Simmentaler-ras sy eeufeesjaar in Namibië gevier het,
het hy halt geroep. Sy stoorkamer agter die huis hang
vol van die rosette. Daar hang ook baie linte vir junior-,
senior- en raskampioene, terwyl reserwe-pryse net hier
en daar gesig wys.
Hoewel hy Agriforum mooi gevra het om niks oor dié
vertrekkie tydens die volgende dag se verrigtinge te
noem nie, sou dit nie nodig wees nie. Dit is duidelik dat
sy mede-telers na hom opsien. Tydens die Simmentalertelersaand
by vanjaar se Windhoek Skou het Stephan
Voigts, een van die voorste Simmentaler-telers in die land
en President van die Namibiese Simmentaler en Simbra
Vereeniging, so terloops genoem hoe hy as kind altyd
verwonderd was oor die mooi diere wat Stoffel uit die
Suide vertoon het.
Selfs tydens die telersdag op 19 November waarteen hy
so opgesien het, het Marthina en Miempie se woorde
waar geword. ’n Jong bul wat tydens die praktiese sessie
bespreek is, was nie lank onder die oë nie toe die manne
daar en dan vir ’n veiling geskimp het. “Ek het hom eerste
gesien,” sê een. “Nee, ek het die verste gery, ek behoort
die eerste te keuse hê,” keer ’n ander.