Simmentaler Joernaal 2013.indb

Simmentaler - Feed the World
Internasionale Publisiteit | International Hybe
14
vergadering is die Golden Book toekenning aan
vier persone, waaronder Llewellyn Angus, gemaak.
Geskiedenis is ook gemaak aangesien dit, in Llewellyn
se geval, die eerste keer is dat ’n pa en seun beide die
toekenning ontvang het. Tydens die verkiesing van die
Uitvoerende Komitee van die WSFF is Dr. Josef Kuera
van die Czech-republiek as President verkies, ek as
eerste Vise-President en Fred Schütze van die VSA as
tweede Vise-President. Die Sekretaris Generaal is steeds
Kristýna Skopalová van die Czech-Republiek. In totaal
het ongeveer 360 mense van 27 lande die kongres
bygewoon. Die WSFF, wat die grootste organisasie van
sy soort ter wêreld is, het tans 27 lidlande met in totaal
ongeveer 86 800 telers en 2.2 miljoen Simmental /
Fleckvieh koeie.
Tydens die tegniese gedeelte is lesings aangebied deur
Dr. Hugo Valentin (50 years ESF and WSFF), Dr. Georg
Röhrmoser (Fleckvieh Simmental Breeding in Germany),
Dr. Reiner Emmerling (Genomic Selection in Germany
and Austria), Dr. Henning Hamann (Beef Performance in
Simmental Fleckvieh) en Dr. Christa Egger-Danner (The
robust Simmental Fleckvieh cow – breeding for fitness
and health).
Laatmiddag is ’n kort plaasbesoek aan Stephan Riedl
gemaak. Die plaas is 88 ha en het 78 koeie, 35 kalwers
en 35 bulle wat gevoer word tot ongeveer 18 maande.
Koeie het ’n interkalf periode van 377 dae en produseer
gemiddeld 8907 kg melk met 4.09% vet en 3,39%
proteïen per laktasie. Bulle het ’n gemiddelde daaglikse
toename van 1.3Kg.
Die dag is afgesluit in die Stadsäle Bernlochner met ’n
Gala-ete aangebied deur die Staatsregering van Bavaria.
Die Bavariese Minister van Landbou het ’n toespraak
gemaak en ek het ook hier die geleentheid gehad om
die Duitse organiseerders van die kongres (ASR –
Arbeitsgemeinschaft Süddeutscher Rinderzucht- und
Besamungsorganisationen), namens Suid Afrika, te
bedank en ’n oorkonde aan hulle te oorhandig.
Sondag het ons ’n ekskursie deur Baden-Württemberg
na Ilshofen onderneem en ’n spesiale skou in die Arena
Hohenlohe bygewoon. Tydens hierdie skou het ons
werklik uitstaande koeie te sien gekry. Na die beoordeling
het ons die 180 ha plaas van Harald Blumenstock
besoek. Op die plaas word aangekoopte bulkalwers vir
slagdoeleindes grootgemaak. Tans is daar ongeveer
320 bulle wat almal onderdak gevoer word. Interessant
hier is die biogas aanleg wat elektrisiteit aan die plaas
en dorp voorsien. Die enjin (wat die generator aandryf)
gebruik biogas en die water wat die enjin verkoel word,
in ’n geslote sisteem, deur die dorp gestuur vir verhitting.
Dit was opvallend dat daar oor die algemeen heelwat van
groen-energie (son, wind, biogas) gebruik gemaak word,
dat mense se gesindheid daaroor baie beter is as in Suid
Afrika en dat die regering programme om die energie op
te wek grootliks ondersteun.
Maandag het ons die Zentrales Landwirtschaftsfest of
dan die Bavariese Sentrale Landboufees in München
besoek en na die beoordeling en veeparade gekyk.
Weereens is daar Simmental/Fleckvieh koeie van
hoogstaande gehalte vertoon. Die dag is afgesluit met
’n Oktoberfest-aand in die wêreld bekende (berugte?)
Hippodrom!
Dinsdag het ons besoek gebring aan die Bavariese
Staats Landbou Navorsing stasie in Grub. Behalwe die
normale genetiese en voedings navorsing wat gedoen
word, word navorsing ook in diere-welsyn gedoen.
Interassant hier was die feit dat ’n koei self kon besluit
wanneer sy gemelk wil word en dat hierdie taak dan
deur ’n robot uitgevoer word. Na ’n saluut met modernevoorlaaiers
is afskeid geneem en het ons na München
lughawe vertrek vir die lang vlug huiswaarts.
Hierdie kongres het net weereens bevestig hoe belangrik
die tipe geleenthede is vir die opbou van internasionale
betrekking, vir die uitruil en opbou van kennis asook vir
internasionale samewerking om Simmentaler / Fleckvieh
en Simbra te verbeter en te bemark.
Hohenlohe Arena
Groep koeie in
Hohenlohe
Oktoberfest