Nəsibə Əhməd qızı HİDROMETEOROLOJİ LÜĞƏT «Nafta Press ...

Azərbaycanın su mənbələrinin öyrənilməsi və bu istiqamətdə
mütəxəssislərin hazırlanmasında böyük əməyi olmuş coğrafiya
elmləri doktoru, professor Maqbet Ədil oğlu Məmmədovun
xatirəsinə ithaf olunur.
G İ R İ Ş
Hazırda Respublikamızın bir çox ali məktəblərinin coğrafiya
fakültələrində hidrologiya, okeanologiya, meteorologiya, iqlimşünaslıq,
aqrometeorologiya fənnləri tədris olunur. Bu elmlər haqqında azərbaycan
dilində dərslik və dərs vəsaitləri mövcuddur. Lakin hidrometeorologiya
üzrə azərbaycan dilində izahlı lüğət yazılmamışdır. Bu baxımdan, tərtib
etdiyimiz lügət göstərilən fənnlərin öyrənilməsində müəllim və tələbələr
üçün faydalı ola bilər.
Lüğətdə meteorologiya və hidrologiyaya aid azərbaycan dilində
ədəbiyyatlarda istifadə olunan terminlər, həmçinin bu elmlərin
kontekstində geniş istifadə olunan və onlarla təmasda olan elmlərin
(geomorfologiya, hidrokimya, hidromexanika və b.) terminləri
toplanmışdır.
Lüğət əsasən coğrafiya müəllimləri, tələbələr, maqistrantlar,
aspirantlar, elmi işçilər və orta məktəbin yuxarı sinif şagirdləri üçün
nəzərdə tutulmuşdur.
Tərtib edilmiş lüğət azərbaycan dilində ilk təşəbbüs olduğu üçün bir
sıra terminlər daxil edilməməklə yanaşı, şübhəsiz onun çatışmayan
cəhətləri və nöqsanları qaçılmazdır.
Oxucu kütləsinin «Hidrometeorologiya» izahlı lüğətinə verəcək
təkliflər və ya iradlara görə müəllif əvvəlcədən öz təşəkkürünü bildirir.
3