: I J ' " E

Hestiyê wî herin nava cinetê. . .
- Te bîre, Meyo, havîna, çaxa
Pez diket koriyê orta herd taxa?
- Mînavê gavê...
- Dihat, hemdê xwe dikete navê. . .
Pembû xûdana pîlê pêz dixist,
(Dihejyan guhkê kumê wiye sist).
Dibir ew pembûyê bi xûdan şil-şo
Temiz ziya dikir, dikire pîşo. . .
"Agir kulîlka zivistanêye"-
Apê Zavitê wa bigota,
Pîşo bolkira kevirê hesta.. .
Û... zivistana biçûya oda.
Danîn, ax, çend gurz pelax ber lodê,
Radixistin ser sekûyê bilind,
Kulav dikşandin ser sekûyê odê,
Ser rûdiniştin rehet û rind.
Mêr û maqûla xwe didan fêzê,
Diçûne fêzê tirêqêd pîr:
Û usa rex hev diketin rêzê,
Xwe didane piya cahilêd jîr.
Nexşê gorê wan, şingînya tizbiya
Qey bê diketin hevra lecê-
Lev dihûnandin giliyê gur-diza,
Hikyatê "Mem-Zîn", "Sîyabend-Xecêr
***
Metel nemînin, ey qîzêd kezî,
Ku bengî dibim ser we zeriya.
Ezê we hiz kim û qîzê we jî,
Û neviyê we jî, neviyê neviya. . .
Çiqa car lêvê qîz-bûkê terez
Bilivin ser xet-xeberê min,
Aqa car ezê bi heyr û hewas
Ramûsim ewan lêvêd şîrin.
119