: I J ' " E

Tewiqê min ji Pampê bibirin...
Nusla nuh ser deb û dêşa xwe
Werguhastiye Pampa kal-bava,
Lê dîsa bi rem û rêça xwe
Ro dertê û diçe ava. . .
Pez dîsa wê hangê dikale,
Beq dîsa usa xweş diqurin,
Û baran mîna xwe dibare,
Kew dîsa bi kewikî difirin.
Û kêra, kêra jî bûbin ax
Dilsaxêd Pampêye rehmatî,
Minra tim zêndîne, timê sax
Bi bengz û beşerê cinetî. . .
***
Edilî bîna bagerê û bê,
Beşerek bedew hate rûyê qulbê,
Nolî xêliya çîl ser serê bûka
Biriqî berfa gaz û gêdûka.
Mirêxa mijê mîna birê pez
Mexilî li ber pêşa Elegez
Ber dîndara şems ewirêd gewrax
Helya li serê çiyayê Qemerdax.
Mîna werdeka bi gul timayî
Sovayî kirin li erşê sayî,
Lê li du wana bi heyr, bi hewce
Dilê min firî mîna atmece. . .
***
Roj mîna rojê kerr dikişe,
Wede, qey bêjî, dihênije. . .
Lê na, mînanî pişîka çil
Kerre-kerr emirê me dikoje.
128