: I J ' " E

Balolêd hoça.
Bizinê nese no-
Pezeke xerîb,
Derd-kulê navno-
Dilekî wehîd
Heta şebeqê
Daneber qoça...
***
Hê bengî dibim. . .hê bi ax-keser
Kamço dibim boy rengê kesk û zer.
Dilê min dikirin dûranêd hêşîn,
Kenarêd kevzî, etekê ezmîn . . .
Tucara aqa neheyrîme ez
Li êvarêd al, berbangêd gevez...
Qefesa minda pûpûkî bêxew
Gazî biharek buhurî dike,
Beytûkî wehîd digrî roj û şev,
Bîra berîke sincirî dike. . .
Zanim, ne zarim û ne jî cahil,
Bin barê kaltiyê va dikundirim.
Çencê mirinê pîj bûne ser dil
Mînanî şûrê Damoklê humm. ..
Qey lema dilê minî birîndar
Xûlemîş dibe ji mûra bende,
Xwe davê şikevtê bi sî û sitar,
Qulç û bûcaxê odê zemande. . .
Gom û guhêrê pêzda dikayê,
Dikeve nava hevana şivîn,
Ditele li ber tendûra dayê. . .
Lê şevêd hîveronêye şirîn
Xwe davê ava û tevî beqa
Kêfxweş distirê heta şebeqa. . .
142