: I J ' " E

Tev radikir berfa kever,
Pêra direqisî dîn-dîn.
Hildibirî, bi eşq û înk
Davît gelyê kûrîne kunc,
Lev dizvirand, wek gêjgerînk,
"Dingê" dixist, nolî birinc.
Li berê çiya dikir "mermer",
Ser "dikişand" kêrtikêd kaw,
Li dor gera dikir "Senger",
"Sûrêd" sipî, kurcêd bi saw...
Êciz dibû paşê diha
Ji dîndara berfêye sar,
Ji hisreta gul û gîha
Dikir hewer û zare-zar.
"Bîn hildida" û direvand
Çend gurz gîha ji ser loda,
Dibir, zil-zil dadiçikand
Li ser şepa nava ada.
Zila dixist cinûbetî,
Çawa aşiq - sîmê saza,
Û şebeqê, ji hal ketî,
Diçû, nizam, ku radiza.
Şems pîj dikir pêçyê xwe sist,
Ser deraxa wê "xozanê",
Xalê Teyar pez derdixist
"Çêrecaxa" zivistanê...
Me banzdida hingê pêxas
Ser peynê germ, derê malê,
Mêze dikir bi heyr - hewas
Çobanmaza wê berpalê.
Mîlîard -mîlîard qazê qerqaş
Melisîbûn, qey, rû erdê.
Mîna çevê qazaye qaş
Diteyîsîn pirîskê berfê.
277